Að bera grímu eða ekki bera grímu það er stóra spurninginn – Ráðuneytið skerpir á reglunum

Mikil ringul­reið hefur verið varð­andi það hvar og hvenær eða jafn­vel hvort, sé skylda að bera grímu. Sumar versl­anir hafa skikkað sína við­skipta­vini til þess að vera með grímur. Nú hefur ráðu­neytið sent út frá sér yfir­lýs­ingu sem á að leið­rétta allan mis­skiln­ing varð­andi málið.

Samkvæmt regl­unum virð­ist það vera fólks­ins að meta ástandið hverju sinni, jafn­vel geð­þótta­á­kvörðun í mörgum til­fellum, sem ein­hverjum gæti þótt óvið­un­andi. Þórólfur sótt­varn­ar­læknir hefur þá sagt að það hefði verið skarpara að hafa tveggja metra reglu en það lagði hann einmitt til að yrði gert en rík­is­stjórnin fór ekki eftir hans til­mælum hvað það varðar.

Ragnar Þór er ekki sáttur

Ragnar Þór Ing­ólfs­son, for­maður VR hefur sett fram gagn­rýni á það að ekki sé verið að vernda fram­línu­fólk í versl­unum og hvetur hann versl­un­ar­eig­endur til þess að setja tveggja metra regl­una upp á sitt eins­dæmi til verndar síns starfs­fólks. í færslu á Facebook síðu sinni segir Ragnar: „Síð­ast­liðið ár hefur verið versl­un­ar­fólki afar erfitt og krefj­andi á tímum Covid. Það er í raun óskilj­an­legt hversu lítið til­lit hefur verið tekið til mik­il­vægi fram­línu­starfa eins og í verslun. Það er varla hægt að gera sér í hug­ar­lund hvernig staðan væri ef almenn­ingur hefði ekki nær óheftan aðgang að nauð­synja­vöru og annarri þjón­ustu. Á meðan stjórn­völd völdu starfs­stéttir í for­gang í bólu­setn­ingar var ekk­ert hugsað um starfs­fólk í versl­unum þrátt fyrir að VR hafi ítrekað bent stjórn­völdum á mik­il­vægi þess að verja okkar hópa betur. Ég hef miklar áhyggjur af nýrri bylgju far­ald­urs­ins og skiln­ings­leys­inu á stöðu þeirra sem standa vakt­ina í verslun. Það er því ekki annað í stöð­unni að við sem sam­fé­lag tökum málin í eigin hendur. Sýnum fram­línu­fólki í verslun þá virð­ingu sem það á skilið. Bíðum ekki eftir frek­ari fyr­ir­mælum og setjum upp grímuna og not­umst við 2 metra regl­una þegar við förum út í búð. Þannig getum við best þakkað þeim hetjum fyrir sem sjá okkur fyrir nauð­synja­vörum og annarri þjón­ustu á meðan þessi bylgja gengur yfir. Vin­sam­lega deildu og taktu þátt í að bæta öryggi fram­línu­fólks í verslun“.

Á vef ráðu­neyt­is­ins kemur eft­ir­far­andi fram:

Tryggja skal að minnsta kosti 1 metra á milli ein­stak­linga sem ekki eru í nánum tengslum, til að mynda á sam­komum, vinnu­stöðum, versl­unum, söfnum og í allri annarri starf­semi, hvort sem er innan- eða utandyra.

Grímu­skylda er þar sem ekki er unnt að við­halda 1 metra nálægðartakmörk­unum og þar sem hús­næði er illa loft­ræst. Þetta á til að mynda við um heil­brigð­is­þjón­ustu, versl­anir, söfn, inn­an­lands­flug og -ferjur, almenn­ings­sam­göngur, leigu­bif­reiðar og hóp­bif­reiðar,í verk­legu öku­námi og flug­námi, starf­semi hár­greiðslu­stofa, snyrti­stofa, nudd­stofa, húð­flúr­stofa, hunda­snyrti­stofa, sól­baðs­stofa og í annarri sam­bæri­legri starf­semi.

Grímu­skylda er í gildi fyrir áhorf­endur á íþrótta­við­burðum og sviðs­list­ar­við­burðum á borð við leik­sýn­ingar, bíó­sýn­ingar og tón­leika.

Börn fædd 2006 og síðar eru und­an­þegin reglum um grímu­skyldu.