Edda Falak minnist móður sinnar: „Skrítið að ég muni aldrei sjá hana aftur“

Edda Falak, fjár­mála­fræð­ingur og þátta­stjórn­andi, minn­ist móður sinnar, Amalíu Rut Gunn­ars­dóttur, sem hefði orðið 58 ára í gær hefði hún lifað. Hún lést aðeins 41 árs að aldri, þegar Edda var 13 ára gömul, eftir skamm­vinna bar­áttu við krabba­mein.

Edda minnt­ist móður sinnar með hlýjum orðum á Twitter í gær:

Móðir Eddu, Amalía Rut, var að læra arki­tektúr á Ítalíu þegar hún kynn­ist líbönskum föður hennar, Jónasi Yamak, sem þá var í námi í lyfja­fræði. Edda kom í heim­inn á Ítalíu þar sem fjöl­skyldan bjó í fyrstu áður en þau fluttu til Íslands.

Amalía og Jónas urðu ást­fangin á Ítalíu þar sem Edda kom í heim­inn.

Móðir Eddu, Amalía, lést aðeins 41 árs að aldri eftir skamm­vinna bar­áttu við krabba­mein. Þá var Edda aðeins þrettán ára gömul.

„Mamma dó þegar ég var bara nýfermd og þetta var auð­vitað mjög erfitt, mikil sorg. Ég gerði mér enga grein fyrir því hvað var að ger­ast, enda gerð­ist þetta allt svo hratt allt. Hún greind­ist með krabba­mein í blöðr­unni og það hefur lík­leg­ast verið komið langt á veg því að hún deyr aðeins nokkrum mán­uðum eftir grein­ing­una,“ sagði Edda í við­tali við Vísi í mars síð­ast­lið­inum.