Fjölskylda á Vesturlandi vann 80 milljónir í Eurojackpot – Gleymdi næstum að kaupa miðann

Íslensk get­spá greinir frá því að hjón með tvö börn hafi í síð­ustu viku unnið 80 millj­ónir í Eurojackpot. um var að ræða 2. vinn­ing og segir í til­kynn­ing­unni að hjónin hafi verið sæl og ánægð þegar þau komu að sækja vinn­ing­inn til Íslenskrar get­spár.

Þau eru ekki búin að ákveða hvað þau ætla að gera við millj­ón­irnar 80, sagði enn fremur í til­kynn­ing­unni. „Ég kaupi stundum lottómiða í vinn­unni í gegnum sím­ann“ er haft eftir kon­unni þegar hún kom ásamt eig­in­manni sínum að sækja her­leg­heitin.

„Ég gleymdi því í þetta sinn. Mundi svo allt í einu eftir því að kaupa mið­ann þar sem ég stóð fyrir framan úti­dyrnar, áður en ég færi inn til mín svo ég myndi örugg­lega ekki gleyma að vera með“ sagði konan og sér áreið­an­lega ekki eftir því að hafa munað eftir því að hafa keypt mið­ann góða.