Eins og Mannlíf greindi frá fyrr í dag eru harkalegar deilur í einum stærsta samfélagsmiðlahópi landsins. Ekkert lát er á þeim deilum og alveg óhætt að segja ekki sé blómlegt um að líta í samfélagshópnum Stofublóm inniblóm pottablóm hópurinn en hvorki fleiri né færri en þrjátíu og sex þúsund og fjögur hundruð manns eru í þessum stundum blómlega og litríka samfélagshópi.
En hvað í ósköpunum er eiginlega í gangi?
Einn meðlimur hópsins birti mynd af pottablómi og sagði: „Fallegur Gyðingurinn hjá mér.“
Þá fóru fóru rósirnar og liljurnar að visna og allt var rifið upp með rótum, þegar annar meðlimur hópsins stóra svaraði í athugasemd við færsluna með þessum orðum:
„Blómið er fallegt en gyðingurinn ekki.“
Tvær fylkingar mynduðust fljótlega – með og á móti því að kalla blómið Gyðing. Viðkomandi var beðin um að útskýra hvað hann ætti við með meintum fordómum; sögðust allmargir vilja eignast Gyðing til að undirstrika ánægju með nafngiftina.
Var til að mynda vísað til sagna af gyðingnum gangandi sem ofsótt hafði Jesú – en nafn blómsins væri tilkomið vegna þeirrar sögu.
Spurningar voru margar og reiðin mikil:
„Hvað hefur þú fyrir þér að blómið sé nefnt þessu nafni til þess að gera grín, og þá grín að hverjum? Hvaða nafn er ljótt? Ertu að væna foreldra okkar um að gefa okkur nöfn sem þeim fundust ljót? Á ég að fara fram á að þú skiptir um nafn af því að það eru tré sem heita „Ösp“? Eða á að breyta um nafn á trénu?“
Og auðvitað svarað:
„Ég væri til í að fá fallegt blóm nefnt eftir mér“ sagði einn meðlimurinn og fékk svar strax:
„En ef það væri nefnt eftir þér til að gera grín af þér? Eða eftir ljótu nafni sem einhver gaf þér?“
Svar barst, með vísan til kynþáttafordóma.
„Mér þykir fólk setja sig á ansi háan hest þegar það er að ákveða hvað séu fordómar og hvað ekki. Ég á flottan og fínan röndóttan Gyðing og mér þykir vænt um hann,“ var svar eins meðlims, og vísaði til frægasta Gyðings sögunnar:
„Langfrægasti gyðingur sögunnar var nefndur Jesús Kristur og ég held miðað við þær sögur sem ég hef af honum heyrt að hann hljóti að hrista hausinn yfir þessu yfirgengilega rugli um það hvað aðrir mega segja og hvað ekki.“
Annað svar.
„Um að gera að ríghalda í fordómana og berjast fyrir því að fá að nota orð sem særir aðra. Fátt sem gerir lífið skemmtilegra en það. Það er auðvitað réttur allra að særa annað fólk. Helvítis niggarar og gyðingar út um allt. Og femínistar. Má ekki bara eyða þessu pakki?“
Reynt var að róa „Blómabörnin“ æstu og einn meðlima sagði að „það getur verið óþægilegt að vera bent á að orð sem við notum byggist á fordómum eða annarri neikvæðri sögu. Ég er sannfærð um að þessi umræða verði til góðs í þessum hópi þó hún hafi stuðað svolítið til að byrja með. Við erum alltaf að læra.“
Sá einstaklingur sem setti færsluna inn kom til skjalanna á þessum tímapunkti og sagði að henni hafi bara langað „að sýna ykkur mynd af blóminu mínu. Mér var sagt fyrir nokkrum árum að þetta væri nafnið á því. Aldrei datt mér í hug að svona umræða færi af stað um þetta blóm; ég biðst afsökunar ef ég hef móðgað og sært einhvern. Eigið gott kvöld.“
Athugasemdir