Maður lést á Landspítalanum eftir handtöku lögreglu í nótt: Málið komið inná borð héraðssaksóknara

Lög­reglan á höf­uð­borg­ar­svæð­inu sendi frá sér til­kynn­ingu um manns­lát sem varð í nótt; komu lög­reglu­þjónar að manni í ann­ar­legu ástandi og fluttu hann með hraði á Land­spít­al­ann. Þegar þangað var komið missti mað­ur­inn með­vit­und.

Til­kynn­ing lög­reglu er eft­ir­far­andi:

„Lög­reglan á höf­uð­borg­ar­svæð­inu var ásamt sjúkra­liði kölluð að húsi í aust­ur­borg­inni um tvöleytið í nótt vegna manns sem sagður var í ann­ar­legu ástandi. Lögregla flutti mann­inn á Land­spít­al­ann en rétt áður en þangað kom missti hann með­vit­und og fór í hjarta­stopp. End­ur­lífg­un­ar­til­raunir hófust í kjöl­farið en báru ekki árangur og var mað­ur­inn úrskurð­aður lát­inn skömmu eftir kom­una á spít­al­ann. Maðurinn var á fer­tugs­aldri.“

Samkvæmt áreið­an­legum heim­ildum Mannlífs var mað­ur­inn í geð­rofs­á­standi og var hann hand­tek­inn fyrir utan áfanga­heim­ilið Drauma­setrið og lést við hand­tök­una í nótt.

Málið er því vænt­an­lega komið inn á borð hér­aðs­sak­sókn­ara.

Lög­reglan á höf­uð­borg­ar­svæð­inu gerði emb­ætti hér­aðs­sak­sókn­ara við­vart um málið eins og lög kveða á um. Hulda Elsa Björg­vins­dóttur er sviðs­stjóri ákæru­sviðs lög­regl­unnar á höf­uð­borg­ar­svæð­inu, vildi ekki tjá sig meira um málið umfram það sem kemur fram í áður­nefndri frétta­til­kynn­ingu.