Ómari haldið sofandi í 3 mánuði á Kanaríeyjum: „Vil engum það illt að veikjast eins og ég“

Ómar Örn Karlsson ritar afar áhuga­verðan pistil á Facebook-síðu sinni þar sem hann segir frá rosa­legum veik­indum og eft­ir­köstum af völdum Covid 19, og hvetur hann alla til að láta bólu­setja sig og fara var­lega.

„Í ljósi þeirra frétta sem hér hafa verið inni langar mig til að deila með ykkur smá sögu um Covid 19 og hún er sönn,“ segir Ómar og bætir við:

„Fyrir rúmum tíu mán­uðum síðan var ég lagður inn á spít­ala erlendis eftir að hafa fengið bráðalungna­bólgu sem reynd­ist svo vera Covid 19. Mér var haldið sof­andi í átta vikur og í þrjá mán­uði var ég á gjör­gæslu­deild; rúma sex mán­uði á end­ur­hæf­ing­ar­deild; í það heila var sjúkra­hús­vera mín tíu mán­uðir og þrír dagar, og ég er ekki laus enn þá við end­ur­hæf­ingu.“

Ómar bólu­setja sig „þrátt fyrir að hafa myndað mótefni og taldi ég mig þar með vera að sýna sam­fé­lags­lega ábyrgð. Vona ég að flestir sem eru á móti bólu­setn­ingum sjái á þess­ari litlu sögu að það marg­borgar sig, því engum vil ég það illt að veikj­ast eins illa og ég og fleiri.“

Díana Björns­dóttir segir í athuga­semd við færslu Ómars að „það eru svo margir orðnir kæru­lausir í smit­vörnum, og margir enn óbólu­settir; sagan hans Ómars ætti að sýna hvað það getur verið erfitt að glíma við Covid 19 og bata­ferlið er afar langt.“

Hún nefnir að „það er óhætt að segja að Ómar sem veik­ist hér úti af Covid 19 hafi svo sann­ar­lega haft fyrir því að ná bata og er enn að; því­líkur dugn­að­ar­drengur; við á Gran Canaria sendum honum hug­heilar bata­kveðjur.“