„Sigmundur Davíð borðar hrátt hakk þegar hann verður svangur. Þetta er ekki til eftirbreytni kæru félagar, enda eru Sósíalistar yfir höfuð með hærri greind en Klaustursliðið,“ skrifar Guðmundur nokkur Ólafsson í hóp Sósíalista flokks Íslands á Facebook og heldur áfram.
„Fyrir þá sem ekki vita hvers vegna hakk hefur styttra geymsluþol en önnur kjötvara skal það skýrt út hér. Á yfirborði kjöts er alltaf líf og það mjög fjölbreytt þegar kjötið er hakkað þá dreifast bakteríur um allt kjötið og fjölga sér eins og enginn sé morgundagurinn. Þú kæri lesandi hefur kannski rekist á það að ef hakkpakki er opnaður og geymdur inni í ísskáp þá verður kjötið óneysluhæft og súrt á innan við sólarhring.“
Guðmundur endar skrif sín á skoplegum brandara.
Bóndi nokkur ók fram hjá geðveikrahæli á dráttarvélinni sinni og var með mykjudreifara í eftirdragi. Einn vistmaðurinn sá hann og kallaði til hans:
„Hvað ertu með þarna?“
„Kúamykju,“ sagði bóndinn.
„Hvað ætlarðu að gera við hana?“ spurði vistmaðurinn.
„Setja hana á jarðarberin mín,“ sagði bóndinn.
„Ja, hérna,“ sagði vistmaðurinn. „Þú ættir að koma í mat hérna á hælinu. Hér fáum við sykur og rjóma á þau.“
Hans Jónsson, transmaður, skrifar við færsluna. „Það er óþolandi að um hinsegin daga sé hann að fá athygli fyrir að vera quirky trúður í stað þess að vera nefndur í samhengi við baráttu hans gegn mannréttindum hinsegin fólks.“
Og Bogi vill meina að með þessu athæfi sé Sigmundur að vekja á sér athygli fyrir kosningar.
„Þetta er sirkústrikk til að ná athygli fyrir kosningar. Næst verður drukkinn ógeðsdrykkur í beinni útsendingu eða eitthvað. Þetta er of desperate til að vera hneykslanlegt og of ógeðslegt til að vera fyndið, en það tókst að stela athyglinni og það var tilgangurinn. Simmi er tilbúinn að gera hvað sem er fyrir frægðina. Ef fólk er nógu vankað til að gefa honum athygli fyrir svona, þá munum við sjá meira af svona frá honum.“
En það má með sanni segja að Sigmundur Davíð sé búinn að vera duglegur á samfélagsmiðlum síðustu daga. En eftir að hafa birt hið umtalaða myndband af sér borða hrátt hakk, birti hann svo sérstaka myndaseríu af sér í gær vera leika við hunda. Undir myndirnar skrifar hann „Það er hundskemmtilegt í Öxnafirði.“
Nýjasta myndskeiðið hjá Sigmundi er síðan af honum borða harðfisk frá þremur mismunandi stöðum. Spennandi er að sjá hvað ratar næst inn á samfélagsmiðla formanns Miðflokksins.
Athugasemdir