Íbúar Grafarvogs fengið nóg af plágunni: „Ertu komin/n með nóg af flugum og skítalykt?“

Tryggvi nokkur, íbúi í Graf­ar­vogi, er einn fjöl­margra hverf­is­búa sem hefur fengið nóg af þeim fnyk sem berst frá Áburð­ar­verk­smiðj­unni í Gufunesi. Það er ekki bara fnyk­ur­inn sem íbú­arnir hafa fengið nóg af heldur líka flugna­plág­unni sem virð­ist fylgja í kjöl­farið.

Tryggvi gerir plág­una að umtals­efni í hópi hverf­is­búa á Facebook. Þar segir hann:

„Ertu komin/n með nóg af flugum og skíta­lykt úr Gufunesi? Hvet alla til að senda kvörtun á [email protected] Það er með öllu oþol­andi að geta ekki haft opinn glugga og þurfa að hlaupa um allt með Morg­un­blaðið til að drepa óvel­komna gesti sem eru grið­ar­lega snöggir og fljotir að flyja. Vonandi verður starfs­leyfið aft­ur­kallað og fyr­ir­tækj­unum gert að flytja sina starf­semi i burtu.“

Fjöl­margir íbúar virð­ast þekkja vand­ann. Áslaug er ein þeirra. „Moltu­gerðin í Gufunesi, flug­urnar sem koma inn í hýbílin þarna er skýr­ingin. Þó ég finni ekki þessa lykt, þá koma flug­urnar og yfir­fylla heim­ilið,“ segir Áslaug.

Heið­björt nokkur virð­ist hafa sloppið við lykt­ina en flug­urnar að gera útaf við hana. „Hér er allt fullt af flugum og 50+ fara í ryksug­una á dag. Hef aldrei fundið umrædda lykt og aldrei áður orðið fyrir svona flugu­inn­rás,“ segir Heið­björt.