Lilja að braggast eftir veikindin: „Takk Víkingur fyrir að treysta mér fyrir flautunni“

Lilja Dögg Alfreðs­dóttir mennta­mála­ráð­herra fór sam­kvæmt lækn­is­ráði í frí frá stjórn­mál­unum í júní. Hún hefur ekk­ert gefið upp um það hvenær hún snúi aftur í stjórn­málin af krafti en fjar­vera hennar hefur verið flokknum erfið. Færslur hennnar á Facebook nýlega gefa sterk­lega til kynna að Lilja sé öll að bragg­ast, og miðað við færsl­urnar er lík­legra en ekki að hún taka slag­inn í kosn­inga­bar­átt­unni sem er nú um það bil að hefj­ast, en kosið verður 25. sept­em­ber næst­kom­andi.

Í einni færslu segir Lilja: „Ofur­mennið Valdi – Þor­valdur Dan­í­els­son – bauð mér í ferða­lag út fyrir þæg­ind­ara­mmann í gær­kvöldi. Valdi er ein­stakur bar­áttu­maður fyrir hags­munum og jöfnum tæki­færum barna, hefur unnið frá­bært starf með ung­mennum í Breið­holt­inu og rekur sam­tökin Hjóla­kraftur sem hjálpar ungu fólki að takast á við margs konar áskor­anir. Hann var val­inn Reyk­vík­ingur árs­ins 2020 og var vel kom­inn að þeirri nafn­bót. Valdi er góður kall, sann­kall­aður orku­bolti og við erum stolt af því að hafa hann í 5. sæti á fram­boðs­lista Fram­sókn­ar­flokks­ins í Reykja­vík.“

Þá var gaman að lesa færslu hennar og skoða mynd með henni þar sem Lilja Dögg skellti sér í hlut­verk knatt­spyrnu­dóm­ara, enda er henni margt til lista lagt:

„Stelpur og strákar í 7. og 8. flokki sýndu frá­bæra takta á Ham­ingju­móti Víkings um helg­ina. Gleðin skein úr hverju and­liti og eng­inn deildi við dóm­ar­ann! Takk Víkingur fyrir að treysta mér fyrir flaut­unni.“

Síðan er færsla sem virð­ist gefa það sterk­lega til kynna að Lilja Dögg ætli sér að snúa aftur, og það með glans og segir mála­flokka Fram­sókn­ar­flokks­ins í rík­is­stjórn hafa blómstrað.

„Að efna lof­orð: Þing var rofið í lið­inni viku og með því hófst í raun kosn­inga­bar­áttan fyrir alþing­is­kosn­ing­arnar þann 25. sept­em­ber. Þær munu marka nýtt upp­haf, annað hvort end­ur­nýjað umboð sitj­andi rík­is­stjórnar eða færa þjóð­inni nýja. Fleiri flokkar en áður munu bjóða fram. Aukinn áhugi fólks á stjórn­mála­þátt­töku er gleði­legur, enda eiga fram­bjóð­endur það sam­eig­in­legt að vilja bæta sam­fé­lagið. Við höfum ólíkar skoð­anir á leiðum og aðgerðum, en tak­mark okkar allra er að vinna til góðs. Í upp­hafi kjör­tíma­bils­ins setti rík­is­stjórnin sér metn­að­ar­full mark­mið. Þau hafa meira og minna náðst, hvort sem horft er til mýkri eða harð­ari mála. Kerf­is­breyt­ingar hafa orðið í mik­il­vægum mála­flokkum og ekki síður löngu tíma­bærar við­horfs­breyt­ingar“.