Þórdís Karen fékk Covid tvisvar og er undrandi: „Hélt ég að það væri ekki hægt“

Þórdís Karen Þórð­ar­dóttir bar­þjónn er ein af 15 Íslend­ingum sem hafa fengið Covid tvisvar. „Auðvitað var mér brugðið þegar ég átt­aði mig á því að ég væri aftur komin með Covid-19, enda hélt ég að það væri ekki hægt, sér­stak­lega í ljósi þess að mæl­ingar síð­ast­liðið vor bentu ein­dregið til þess að ég væri komin með mótefni gegn veirunni,“ segir Þórdís Karen við Frétta­blaðið í dag.

Frekar slöpp

Hún veikt­ist í sept­em­ber í fyrra og svo aftur í síð­asta mán­uði. Hún hafði ekki verið bólu­sett. Nýverið fór hún í skoðun þar sem í ljós kom að hún hafði myndað mótefni gegn veirunni. „Það vill eng­inn fá þetta tvisvar, hvað þá þrisvar,“ segir hún. Hún segir frá því í Frétta­blað­inu að veik­indin í sept­em­ber hafi reynt mikið á hana. Í tvær vikur var henni þungt fyrir brjósti, með köfn­un­ar­til­finn­ingu og missti bragð- og lykt­ar­skyn. Hún fékk bragð- og lykt­ar­skynið fljótt á ný eftir veik­indin og var til­tölu­lega fljót að ná sínu fyrra atgervi. En þeim mun meira var áfallið þegar hún greind­ist aftur með Covid-19. Seinni veik­indin voru létt­bær­ari. Hún sagð­ist í sam­tali við Frétta­blaðið hafa verið „frekar slöpp í fjóra til fimm daga og missti hvorki bragð- né lykt­ar­skynið“.