Birgir Jónsson: Trommarinn sem fór á flug – „Ég brann bara út“

Birgir Jónsson var lengi trommu­leik­ari þung­arokksveit­ar­innar Dimmu og þótti og þykir enn með þeim bestu hér á landi, og þótt víðar væri leitað.

Birgir er í dag for­stjóri hins nýstofn­aða íslenska flug­fé­lags Play. Á sínum tíma, þegar hann yfir­gaf Dimmu sagði hann að „þetta er ekki eins skemmti­legt og gef­andi og áður.“

Sagði hann tón­list­ar­lífið hafa hentað illa fjöl­skyldu­manni:

„Keyrsl­una var mikil, og lít­inn tími gafst í annað, og lítið um sum­ar­frí. Ég brann bara út, mér fannst þetta ekki lengur skemmti­legt eða gef­andi. Ég var alltaf að spila, hafði ekki góðan tíma til að vera með fjöl­skyldu og vinum. Um miðja viku var ég ekki eins og aðrir að hugsa til helg­ar­innar og hvað ég gæti gert með Lísu heldur hvar ég væri að spila. Og ef vinir mínir buðu mér í brúð­kaup, þá vissi ég oft­ast fyrir fram að ég kæm­ist ekki. Og það fannst mér alltaf leitt. En þetta var mikið ævin­týri, ég var fyrst og fremst í þessu fyrir vin­skap­inn. Við vorum gamlir karlar að spila saman þung­arokk, þetta átti aldrei að verða svona stórt. Við erum búin að gera svo ótrú­lega margt saman, eig­in­lega allt sem er hægt að gera í íslenskri tón­list. Spila með Sin­fón­íu­hljóm­sveit­inni, spila á Þjóð­há­tíð og Aldrei fór ég suður. Ég var sáttur við að kveðja. Að sama skapi er ég rosa­lega stoltur af þeim.“

Ekki svo löngu síðar var Birgir ráð­inn for­stjóri Íslands­pósts en áður hafði hann nokkuð víð­tæka stjórn­unar- og rekstr­ar­reynslu í atvinnu­líf­inu hér heima og erlendis; var til að mynda  fram­kvæmda­stjóri Póst­mið­stöðv­ar­innar – en þar á undan var hann for­stöðu­maður mannauðs­lausna hjá Advania.

Birgir var á sínum tíma einnig fram­kvæmda­stjóri hjá Iceland Express og aðstoð­ar­for­stjóri hjá WOW air.

Birgir lærði prentun hér heima, lauk BA-gráðu í prent- og útgáfu­stjórnun frá London Institute og MBA-prófi frá Westminster Uni­versity í London.

En skóla­ganga hans var þó á tíma­bili erfið, hann var til að mynda rek­inn úr mennta­skóla, en Birgir er einn fárra Íslend­inga sem eru með háskóla­gráðu í prent­rekstr­ar­fræði.

„Skóla­gangan var þó brös­ótt framan af og óhefð­bund­inn bak­grunn­ur­inn leiddi hann mig á ævin­týra­legar brautir. Ég er Kópa­vogs­búi í húð og hár. 200 Kópavogi, ekki eins og Herra Hnetu­smjör úr 203. Það telst ekki með! Ég byrj­aði ungur í hljóm­sveit­ar­brasi og var ekki mjög efni­legur náms­maður framan af. Það var ekki nema fyrir fjöl­skyldu­tengslin að ég lærði að verða prent­ari eftir að ég var rek­inn úr mennta­skóla. Pabbi var prent­smiður og vann hjá Odda, ég ákvað að feta í hans fót­spor. Ég fór svo út til London í háskóla­nám í rekstri á prent- og útgáfu­fyr­ir­tækjum og tók svo MBA-gráðu ofan á það frá háskól­anum í Westminster.“

Í apríl á þessu ári tók síðan Birgir við stjórn­ar­taumunum sem for­stjóri flug­fé­lags­ins Play.

Einnig hefur Birgir komið að rekstri fjöl­skyldu­fyr­ir­tækis; kom að rekstri Madison Ilmhús með konu sinni Lísu Ólafs­dóttur.

Birgir er úr Kópavogi en hann er heims­maður og hefur búið í Hong Kong, Rúmeníu og í höf­uð­borg Breta­veldis, London; Maður með mikla hæfi­leika og þykir ein­stak­lega góður stjórn­andi, sem án efa hefði getað orðið heims­frægur trommari, svo góður er hann.