Skotmaðurinn á Egilsstöðum er vanur veiðimaður en hefur hann átt stórt safn skotvopna í gegnum tíðina.
Sjómaðurinn sem lögreglan skaut á Egilsstöðum síðastliðinn fimmtudag, er mikill byssuáhugamaður. Árið 2012 birti hann lista yfir skotvopnin sín inni á spjallþræði ónefnds skotíþróttafélags og má segja að um hið myndarlegasta safn sé að ræða.
Sjá einnig: Ástríðuglæpur á Egilsstöðum – Börn voru á staðnum þegar sjómaður var skotinn af lögreglu
Tilgangurinn með birtingu listans var sá að fá ráðleggingar frá öðrum meðlimum skotfélagsins um það hvaða byssu hann ætti að bæta við safnið.
Skotárásin á Egilsstöðum tengdist ástarmálum. Byssumaðurinn æddi inn á heimili fyrrverandi eiginmanns kærustu sinnar, vopnaður kröftugum riffli. Börn voru á heimilinu.
Lögreglan á Austurlandi skaut manninn við íbúðarhús á Egilsstöðum. Maðurinn var fluttur með sjúkraflugi til Reykjavíkur og er nú á batavegi.
Þetta er byssusafnið sem maðurinn átti:
Remmi 870
Sako Vixen 222 með Bushnell kíki 8X32
Mauser m98 6.5×55 með vortex viper 6,5-20X50
Browning x-bolt cal 270
Mossberg Plinkster cal 22
Browning Phoenix top cote
Benelli Supernova
Huglu u/y tvíhleypa.
Hér fyrir neðan má sjá nokkur skotvopn sem hann átti að minnsta kosti árið 2012:
Árið 2016 skrifar maðurinn við frétt af þekktum íslenskum barnaníðingi, á Facebook en afstaða hans var nokkuð afgerandi. „Svona menn á bara að hnakkaskjóta!!“ skrifa hann og bætir við að það sé bara tímaspursmál hvenær svona níðingur brýtur aftur gegn barni.
Maðurinn er á batavegi og hefur verið fluttur á almenna deild Landspítalans.
Athugasemdir