Feðgin græða á tá og fingri á Skólamat: „Teljum ekki óeðlilegt að fyrirtæki greiði sér arð“

Skóla­matur er greini­lega góður tekju­mögu­leiki ef horft er til tekna fyr­ir­tæk­is­ins Skólamatar, sem selur mat í grunn­skóla og leik­skóla. Hafa tekj­urnar tvö­fald­ast á síð­ustu fjórum árum og arður hefur verið tekin út úr félögum í sam­stæðu fyr­ir­tæk­is­ins síð­ast­liðin þrjú ár.

Eigendur eru feðginin Axel Jónsson, Fanný Axels­dóttir og Jón Axelsson, sem er líka fram­kvæmda­stjóri.

Samstæða félags­ins á und­an­förnum árum hefur greitt út meira en 40 millj­ónir króna í hagnað.

Jón segir aðspurður hvort arð­greiðsl­urnar séu eðli­legar að „það er ekki mitt að meta. Við erum að reka fyr­ir­tæki og við reynum að gera það í sátt við umhverfið, og ímynd okkar skiptir okkur miklu. Við teljum að það sé ekki óeðli­legt að fyr­ir­tæki greiði sér arð en fyr­ir­tæki sem er í starf­semi eins og okkar verður að gæta hófs.“

Skóla­matur selur mat í áskrift til for­eldra grunn­skóla­barna og leik­skóla­barna í tugum skóla á Reykja­nesi, Sel­tjarn­ar­nesi, Mos­fellsbæ, Garðabæ og víðar.

Heimild: Stundin