Breytingar á fæðingarorlofi kvenna hjá KSÍ: Leikmanni skal veitt svigrúm til brjóstagjafar ungbarns

Stjórn KSÍ sam­þykkti breyt­ingar á reglu­gerð KSÍ um félaga­skipti, samn­inga og stöðu leik­manna og félaga, en um er að ræða nýjar greinar í reglu­gerð­inni; mik­il­vægar breyt­ingar sem snúa til dæmis að skuld­bind­ing­ar­gildi samn­inga og samn­ings­brot félaga og samn­ings­leik­manna sem og sér­stökum rétt­indum kven­kyns leik­manna varð­andi fæð­ing­ar­or­lof; lengd orlofs; greiðslur til leik­manns; brjósta­gjöf og fleira.

Þessar breyt­ingar hafa verið unnar í sam­ráði við Íslenskan topp­fót­bolta og Leik­manna­sam­tök Íslands; hafa verið í vinnslu frá nóv­em­ber í fyrra.

Má þar nefna rétt­indi leik­manna á með­göngu. Hefur leik­maður eft­ir­far­andi rétt­indi yfir samn­ings­tíma­bil:

„19.6.1. Leik­maður hefur rétt til þess að sinna áfram íþrótta­legum skyldum sínum (þ.e. æfa og keppa í knatt­spyrnu) gagn­vart samn­ings­fé­lagi, að feng­inni stað­fest­ingu frá með­ferð­ar­að­ila og óháðum lækni (val­inn af leik­manni og félagi) um að það sé henni óhætt. Í slíku til­felli ber samn­ings­fé­lagi að virða ákvörðun leik­manns og setja upp við­eig­andi æfinga­á­ætlun fyrir áfram­hald­andi íþrótta­þátt­töku sem miðar að því að öryggi og heilsa leik­manns og ófædds barns sé tryggð.“

Einnig:

„19.6.2. Leik­maður hefur rétt til að sinna öðrum atvinnu­skyldum gagn­vart samn­ings­fé­lagi, ef með­ferð­ar­að­ili telur ekki öruggt að leik­maður sinni áfram íþrótta­legum skyldum sínum sam­kvæmt leik­manns­samn­ingi eða ef leik­maður ákveður sjálfur að nýta ekki sinn rétt, skv. 19.6.1., að sinna áfram íþrótta­legum skyldum gagn­vart samn­ings­fé­lagi. Í slíku til­felli ber samn­ings­fé­lagi að virða ákvörðun leik­manns­ins og setja upp áætlun um aðrar atvinnu­skyldur leik­manns­ins gagn­vart samn­ings­fé­lagi í sam­ráði við leik­mann­inn. Sem end­ur­gjald fyrir vinn­una á leik­maður rétt til greiðslu fullra samn­ings­bund­inna launa/end­ur­gjalds og/eða hlunn­inda fram að töku fæð­ing­ar­or­lofs.“

Einnig sam­kvæmt 19.6.3:

„Leik­maður hefur rétt á að ákveða sjálf­stætt upp­hafs­dag­setn­ingu fæð­ing­ar­or­lofs. Sérhvert félag sem neyðir eða þrýstir á leik­mann til töku fæð­ing­ar­or­lofs á til­teknum tíma skal beitt við­ur­lögum af aga- og úrskurð­ar­nefnd KSÍ.“

Þá er líka breyt­ing hvað þetta tvennt varðar meit­luð í stein:

„19.6.4. Leik­maður hefur rétt á að snúa aftur að loknu fæð­ing­ar­or­lofi til að sinna íþrótta­legum skyldum sínum gagn­vart samn­ings­fé­lagi, að feng­inni stað­fest­ingu frá með­ferð­ar­að­ila og óháðum lækni (val­inn af leik­manni og félagi) um að það sé leik­mann­inum óhætt. Leik­maður á rétt til greiðslu fullra samn­ings­bund­inna launa/end­ur­gjalds og/eða hlunn­inda eftir að hún snýr aftur að loknu fæð­ing­ar­or­lofi.

19.7. Leik­manni skal veitt tæki­færi og svig­rúm til brjósta­gjafar/nær­ingar ung­barns á meðan leik­maður sinnir íþrótta­legum skyldum gagn­vart samn­ings­fé­lagi. Samn­ings­fé­lag skal veita leik­manni við­eig­andi aðstöðu til brjóst­gjafar í sam­ræmi við gild­andi lands­lög eða ákvæði í kjara­samn­ingi á milli full­trúa atvinnu­rek­anda/félaga og launa­fólks/leik­manna, sem bindur samn­ings­að­ila.“