Sara ráðalaus og biður um hjálp á Facebook: „Ég er margoft búin að reyna!“

Sara nokkur skrifar færslu inni á hópi á Facebook sem ber heitið Mat­ar­tips. Afþakkar hún öll skít­köst og til­gangs­lausar athuga­semdir. „Mig vantar að geta borðað fisk!“ Segir hún svo í kjöl­farið og útskýrir málið betur. Vanda­málið þekkja hugs­an­lega margir en seg­ist Sara ekki hafa borðað fisk síðan í vor eftir að hafa keypt fisk í fisk­búð, tvisvar í röð og fengið í bæði skiptin auka prótein með fisk­inum, sem sagt orma. Segist hún margoft hafa reynt að hafa sig í að kaupa aftur fisk en bara geti það ekki, „veit þetta er væll og sál­rænt.“

Þegar þetta er ritað hafa alls 143 athuga­semdir verið skrif­aðar við þessa hjálp­ar­beiðni Söru en sitt sýn­ist hverjum auð­vitað. Margir benda á ákveðnar fisk­búðir en sumir vilja meina að það sé aldrei ormur í ýsu eins og Júlíus sem segir „ýsan er orma­laus svo þú getur keypt hana hvar sem er.“ Sara svarar af bragði og segir það ekki satt, það sé mýta.
Kolbrún birtir við svar Júlíusar, sönnun þess að ormur finnst í ýsu með ljós­mynd af slíkum laumu­gesti.

Fríða og Margrét ráð­leggja Söru að kaupa fisk­inn fros­inn, það ætti að vera öruggt á meðan Linda spyr hana „En að taka bara omega3 fiski­olíu?“ Bæti svo við hlát­ur­karli og seg­ist eiga við sama vanda­mál að stríða.

Þá vill Berglind meina að hún ætti bara að snúa sér að bleikju og laxi, þeir fiskar séu orma­lausir með öllu. Því mót­mælir Jóhann „bleikja er bara alls ekki alltaf orma­laus. Við veiddum kyn­strin öll af bleikju fyrir nokkrum árum í vatni í nágrenni Reykja­víkur og hver ein­asti fiskur var krökkur af ormum.“

Harð­jaxl­inn Kristján seg­ist éta „and­skot­ans ormana og hef ekki orðið meint af.“

Það er von­andi að Sara ætti að finna ein­hver svör við þessu leiða vanda­máli í athuga­semda­ara­gró­anum því fiskur ku vera góður fyrir heil­ann.