„Er forsetinn að reyna að koma reglu á þá óreglu sem virðist hafa verið á vínmálum embættisins“

„Nú ber­ast þær fréttir frá skrif­stofu for­seta að gera eigi birgða­taln­ingu í vín­kjall­ar­anum. Svo mikið liggur við að nýr ráðs­maður er kall­aður úr sum­ar­fríi til að taka behold,“ segir Sigurður G. Guð­jóns­son lög­maður í færslu á Facebook-síðu sinni og bætir við með spurn­ingum:

„Hvers vegna núna kann ein­hver að spyrja ? Hyggst for­seti með taln­ingu sanna að fyrrum kokkur hans – ráðs­maður – og fyrrum for­seta­rit­ari hafi ekki skammtað sér emb­ætt­is­vín til eigin brúks eða er for­set­inn kannski að reyna að koma reglu á þá óreglu sem virð­ist hafa verið á vín­málum emb­ætt­is­ins.“

Sigurður G. segir að „vænt­an­lega ætlar emb­ætti for­seta þá einnig að hefja skrán­ingu allra vín­inn­kaupa og vín­út­tekta í birgða­bók­hald. Slíkt virð­ist ekki hafa tíðkast og það vissu starfs­menn­irnir sem gengu í vín emb­ætt­is­ins eins og þeir ættu það.

Ætli emb­ættið að finna út hið rétta og sanna um Bessa­staða­vínið og ráð­stöfun þess væri auð­vita ráð­legt að skoða reikn­inga stíl­aða á emb­ættið fyrir öllum áfeng­is­kaupum. Þá ætti meðal ann­ars að koma í ljós hvort veru­leg aukn­ing hefur orðið á inn­kaupum á sterkum vínum milli ára.“

Og heldur áfram, ótrauður:

„For­seta­skrif­stofan getur svo spurt kokk­inn sem var ber að ofbeldi hvort mikið hafi verið um sterka drykki í veislum á Bessa­stöðum. Þá er ekki síður mik­il­vægt fyrir for­seta­emb­ættið að skoða reikn­inga sem starfs­menn hafa fram­vísað vegna áfeng­is­kaupa úti í bæ og sagt tengj­ast veit­ingum í þágu emb­ætt­is­ins.

Getur verið að á gjalda­hlið í rekstri for­seta­emb­ætt­is­ins séu liðir emb­ætt­inu og rekstri þess með öllu óvið­kom­andi ? Getur verið að þetta hafi verið nefnt við for­seta og for­seta­rit­ari haft spurn af?

Færi ekki betur á því að Rík­is­end­ur­skoðun tæki behold á Bessa­stöðum, kann­aði vín­inn­kaup og ráð­stöfun þess til nokk­urra ára til að sanna að allt það vín sem til emb­ætt­is­ins hefur verið keypt á umliðnum árum hafi verið notað í þágu þess en ekki til að refsa því.“

Sigurður G. segir að „Rík­is­end­ur­skoð­andi veit frá því hann var rík­is­skatt­stjóri að það er mik­il­vægt að öll hlunn­indi laun­þega séu rétti­lega fram­talin og skatt­lögð. Þá veit rík­is­end­ur­skoð­andi líka að ef ekki eru um hlunn­indi að tefla heldur óhóf­legar gjafir þá ber gjaf­þega að greiða skatt. Eins þekkir rík­is­end­ur­skoð­andi auðg­un­ar­brotakafla almennra hegn­ing­ar­laga hafi vín horfið með óút­skýrðum hætti.“