Vilborg Dagbjartsdóttir er látin – Skáld, riddarakrosshafi og baráttukona fyrir kvenfrelsi

Vil­borg Dag­bjarts­dótt­ir, skáld­kona og kenn­ari, lést á líkn­ar­deild Land­spít­al­ans, hinn 16. sept­em­ber síð­ast­lið­inn, 91 árs að aldri.

Vilborg var iðin með penn­ann um ævina en hún sendi frá sér fjöla ljóða og barna­bóka og þýddi að auki nálægt fimm­tíu barna og ung­linga­bækur og rit­stýrði bókum. Þá hafa komið út tvær ævi­sögur Vil­borgar en þær heita Mynd af konu, eftir Kristínu Marju Bald­urs­dóttur, gefin út árið 2000 og Úr þagn­ar­hyl, eftir Þorleif Hauksson en hún kom út árið 2011.

Vilborg var á sínum tíma for­maður Rit­höf­unda­fé­lags Íslands, sat í stjórn Stétt­ar­fé­lags íslenskra barna­kenn­ara, Rit­höf­unda­sam­bands Íslands sem og í Menn­ingar og frið­ar­sam­taka íslenskra kvenna. Hún tók þátt í að und­ir­búa fyrstu Kefla­vík­ur­göng­una árið 1960 og starf­aði með Her­náms­and­stæð­ingum. Síðar var hún einn af stofn­endum Her­stöðvaand­stæð­inga og einn af braut­ryðj­endum Nýju kven­frels­is­hreyf­ing­ar­innar og þá átti hún þátt í stofnun Rauð­sokka­hreyf­ing­ar­innar 1970.

Hún var heið­urs­launa­hafi Alþingis til lista­manna og heið­urs­fé­lagi Rit­höf­unda­sam­bands Ísland frá 1998. Þá var Vilborg sæmd ridd­ara­krossi íslensku fálka­orð­unnar fyrir fræðslu og rit­störf árið 2000.