Litla systir Baldurs dó með hörmulegum hætti: „Strákurinn sem gaf henni pilluna fékk síðar dóm“

Baldur Freyr Ein­ars­son sagði frá lífi sínu í við­tali við Mann­lífið með Reyni Trausta­son í vik­unni.
Þar talar hann um áföll og mis­notkun sem hann varð fyrir í æsku og kom það til með að móta líf hans.
Baldur varð manni að bana. Hann hefur beðið aðstand­endur hins látna fyr­ir­gefn­ingar en skilur að það sé ekki hægt að fara fram á fyr­ir­gefn­ingu.

Baldur skilur sorg­ina vel því hann lenti svo í sömu sporum nokkrum árum síðar. Stóð hann frammi fyrir því að þurfa að fyr­ir­gefa manni sem horfði upp á systur hans deyja, án þess að reyna að bjarga henni.

„Ég missti litlu systur mína þegar ég var búinn að vera edrú í þrjú ár. Hún var í partíi uppi í Árbæ og var gefin ein­hver pilla sem var eitruð og dó í partí­inu. Strák­ur­inn sem gaf henni pill­una fékk síðar dóm,“ segir Baldur Freyr um þann harm sem hann glímdi við þegar systir hans lést vof­veif­lega. Maðurinn var dæmdur fyrir að koma deyj­andi stúlkunni ekki til hjálpar og taka af henni mynd­band, nak­inni og deyj­andi.

Í fyrstu var reiðin mikil en vildi hann ekki minn­ast systur sinnar með slíka reiði í hjarta sér.

Baldur séri við blað­inu og rekur trú­ar­hreyf­ingu og ráð­gjafa­þjón­ustu sem gengur vel.
Viðtalið við Baldur má sjá í heild sinni hér.