Bubbi nánast orðlaus: „Þetta er orðið algjört aumingjaþjóðfélag“

Vísir greinir frá því að Bubbi Morthens sé nið­ur­brot­inn vegna taln­inga­klúð­urs­ins í Alþing­is­kosn­ing­unum sem er á allra vörum þessa dag­ana.

„Traustið er horfið,“ sagði Bubbi í sam­tali við Vísi. Sagðist hann enn­fremur vera hálf orð­vana um þetta klúður. „Þetta er orðið algjört aum­ingja­þjóð­fé­lag. Ég hef trúað ýmsu upp á Íslend­inga en ég hefði ekki trúað því að óreyndu uppá okkur að við gætum ekki haldið kosn­ingar í þessu sam­fé­lagi. Ég verð að segja það. Ég er nið­ur­brot­inn.“

Segist Bubbi hafa séð eitt og annað um ævina og orðið vitni af ýmsu, til að mynda tali um sam­trygg­ingu, einka­vina­væð­ingu, spill­ingu og fleira en að hann hefði aldrei trúað að þetta myndi raun­ger­ast á þennan hátt. „Ég hélt að kosn­ing­arnar væru eitt­hvað sem mætti treysta.“

Þá seg­ist Bubbi algjör­lega kloss­bit yfir því að ein­hverjir menn stígi fram og játa það að þeir hafi vissu­lega brotið lög en það hafi þeir alltaf gert og því væri um hálf­gerða hefð að ræða. Auk­in­heldur spyr Bubbi; „Hvar ann­ars staðar í hinum sið­mennt­aða heimi nema á Íslandi kæmi svona fram og það er ekki einn þunga­vigt­ar­maður í íslenskri póli­tík þannig séð sem stígur fram og segir: Þetta er ekki boð­legt. Það þarf að kjósa aftur og ég er búinn að missa trúna á hvernig við stöndum að kosn­ingum. Ég á ekki orð, þó að ég sé með eitt­hvað gaspur. Ég eig­in­lega orð­laus.“

Að end­ingu segir hinn eig­in­lega orð­lausi Bubbi; „Og eng­inn stígur fram nema gamli kara­temeist­ar­inn Karl Gauti Hjarta­son sem kærir! Að for­menn flokk­anna hafi ekki stigið fram og sagt, þetta er ekki í lagi, það slær mig illa. Þá fer maður að hugsa: Eru þau bara kampa­kát og glöð með þetta? Af því að það hentar í það skiptið?“