Marínó segir að maðkur sé í mysunni: ,,Á stórundarlegan hátt fóru atkvæði að færast á milli flokka“

,,Það er gott að for­maður yfir­kjör­stjórnar í NV-kjör­dæmi sé svona öruggur um að eng­inn hafi kom­ist inn í geymsl­una,“ segir Marínó G. Njálsson um kosn­inga­klúðrið sem nú skekur íslenskt sam­fé­lag, og bætir við:,,En hvernig ætlar hann þá að skýra það út, að 12 atkvæða­seðlar sem voru auðir í fyrstu taln­ingu, voru allt í einu ekki auðir í end­ur­taln­ing­unni? Varla förl­að­ist taln­ing­ar­mönnum svo svaka­lega, að mistelja um heil 12 atkvæði í 394 atkvæða bunka. Hvað þá að ógildum fjölg­aði um tæp 50%. Nei, slíkt ger­ist ekki hjá reyndu taln­ing­ar­fólki.“Heldur áfram:,,Mér finnst að kjós­endur í kosn­ing­unum eigi heimt­ingu á því að for­mað­ur­inn útskýri, hvernig taln­ing­ar­fólki gat förl­ast svona hrika­lega, að 69 atkvæði reynd­ust rangt talin og að atkvæðum hafi fjölgað um 2. Maður hefði haldið að taln­ing­ar­skýrslur hefðu átt að stemma, þannig að fjöldi atkvæða á hvern flokk og í það heila væri sá sem kom fram í frum­taln­ingu.69 atkvæði eru kannski ekki mörg atkvæði í það heila, en þetta er minnsta kjör­dæmið. Hafi sam­bæri­leg skekkja orðið í öðrum kjör­dæmum, þýðir það að í SV-kjör­dæmi gæti munað yfir 300 atkvæðum, 210 í hvoru af Reykja­vík­ur­kjör­dæm­unum, 140 í NA-kjör­dæmi og 180 í Suð­ur­kjör­dæmi. Það gerir um 1.100 atkvæði á lands­vísu.“Marínó spyr hvort að við ,,eigum að trúa því, að lands­kjör­stjórn láti bara gott heita, að ígildi 1.100 atkvæða á lands­vísu, fær­ist á milli flokka, hætti að vera auð, verði allt í einu ógild eða bara bæt­ist við fjölda greiddra atkvæða?En það er meira: Taln­ingin var ekki í sam­ræmi við lög og því átti hún ekki að byrja fyrr en ákvæði laga voru upp­fyllt. Talning atkvæða í alþing­is­kosn­ingum er ekki einka­mál­efni for­manns yfir­kjör­stjórnar. Það eitt á að verða til þess að nið­ur­stöðu hennar ber að hafna,“ segir Marínó og gefur enn meira í:,,Loks er það rús­ínan í pylsu­end­anum og hún er eig­in­lega þess virði að henda út end­ur­taln­ing­unni: Það er alveg stór­kost­leg til­viljun að atkvæðum Við­reisnar fækkað nægi­lega mikið til þess að jöfn­un­ar­manna­hringekjan fór af stað. Samkvæmt frum­taln­ingu var Viðreisn með 1072 atkvæði af 17248 gildum atkvæðum eða með 6,2152% fylgi í kjör­dæm­inu.Svo hringekja færi af stað þurfti fylgi Við­reisnar að fara niður fylgi flokks­ins í Suð­ur­kjör­dæmi, sem var við frum­taln­ingu 6,2094%. Til þess að það gerð­ist varð annað af tvennu að ger­ast: a) gildum atkvæðum að fjölga í kjör­dæm­inu um a.m.k. 32 án þess að neitt þeirra rynni til Við­reisnar; b) atkvæðum greiddum Viðreisn að fækka um a.m.k. 2, en fjöldi gildra atkvæða í kjör­dæm­inu héld­ist óbreyttur. Og svo sam­bland af þessu tvennu. Við þetta fyrra myndi fylgi Við­reisnar lækka í 6,2043% og væri komið undir fylgið í Suð­ur­kjör­dæmi. Það lítur hins vegar illa út að allt í einu dúkki upp 32 atkvæði, þannig að þá var það leið b) ásamt því að tvö atkvæði fund­ust, eins og dreg­inn upp úr hatti töfra­manns­ins.“Hann nefnir einnig að ,,á stór­und­ar­legan hátt fóru atkvæði að fær­ast á milli flokka. Mestar voru hreyf­ing­arnar hjá Sjálf­stæð­is­flokknum í atkvæðum talið, en það er hlut­falls­lega hreyf­ingin sem skiptir meira máli. Þær voru svona raðað eftir lista­bók­staf (Flokkur; Atkvæði; Breyting á atkvæðum; hlut­falls­leg breyt­ing):Framsókn; 4443; 5; 0,11%Viðreisn; -9; 1072; -0,84%Sjálf­stæð­is­flokkur; 3887; 10; 0,26%Flokkur fólks­ins; 1513; -3; -0,20%Sós­í­alista­flokkur; 721; 7; 0,97%Mið­flokkur; 1283; -5; -0,39%Frjálsl. lýð­ræð­isfl.; 72; 1; 1,39%Píratar; 1082; -1; 0,09%Sam­fylk­ing; 1196; -1; -0,08%VG; 1979; -1; -0,05%Ég verð bara að segja eins og er, að þetta hefði ekki getað gengið betur upp, þó þessi atburð­ar­rás hefði verið hönnuð af ein­hverjum sem gjör­þekkir kerfið. Viðreisn lendir í því, eins og töfra­sprota hafi verið veifað, að missa þrefalt meira fylgi en fylgi Sjálf­stæð­is­flokks­ins eykst og um tífalt það fylgi sem flokkar með svipað atkvæða­magn missa. Ég átta mig á því að Sós­í­alista­flokk­ur­inn fær meiri fylg­is­aukn­ingu en nemur fylgis­tapi Við­reisnar, en Sós­í­alista­flokk­ur­inn skiptir engu máli meðan hann fékk ekki kjör­dæmis­kjör­inn mann.Væri allt eðli­legt, ættu fylg­is­breyt­ingar Við­reisnar hefðu að vera í dúr við breyt­ing­arnar hjá Pírötum og Sam­fylk­ingu, enda allir flokk­arnir með svipað fylgi.“Marínó er mjög ósáttur og færir í tal að ,,því miður lyktar þessi ,,end­ur­taln­ing“ af algjöru rugli og holl­ast er fyrir alla að hún verði aft­ur­kölluð. Svona breyt­ingar, sem sjást í töfl­unni að ofan, eru ein­fald­lega ekki trú­verð­ugar, sér­stak­lega í ljósi þess hvernig staðið var að því að vernda atkvæði fyrir óleyfi­legum aðgangi og að kjör­kassar hafi verið hreyfðir, hvað þá opn­aðir, án þess að umboðs­menn ALLRA fram­boða hafi verið komnir á svæðið. Hver og einn getur dregið sína ályktun, en í mínum huga er þetta bull.“