Öll spjót beinast nú að Inga Tryggvason, formann yfirkjörstjórnar í Norðvesturkjördæmi en hefur endurtalning á atkvæðum í Alþingiskosningunum síðastliðna helgi verið kærð til lögreglu.
Þetta er ekki í fyrsta skipti sem Ingi hefur komist í kast við fjölmiðla ef svo má að orði komast. Árið 2010 birti DV grein um ungt par neyddist til að flytja frá Borgarnesi eftir að Borgarbyggð fór fram á nauðungarsölu á íbúð þeirra. Forsvarsmenn sveitafélagsins kváðust ekki hafa vitað að húsið væri komið í nauðungasölu fyrr en Arion banki var búinn að eignast hana. Hvað kemur þetta Inga við gætu einhverjir spurt sig. Ingi var beggja megin borðsins við söluna á húsinu.
Sjá meira hér: Ingi útilokar kosningasvindl en hættir sem formaður: „Allar vangaveltur um slíkt er bara bull“
Ingi var lögmaður sveitafélagsins og fór fram á uppboðið og tókst að selja íbúðina fljótlega. Kaupandinn var hann sjálfur en hann sá um að bjóða í húsið sem lögmaður Arion banka. Þegar greinin birtist í DV var Ingi einnig fasteignasali og því líklegt að hann fengi síðar húsið til sölu frá Arion banka.
Þegar Ingi var inntur eftir því hvort hann sæi ekkert óeðlilegt við þetta fyrirkomulag sagðist hann ekki gera það. „Ég mæti bara fyrir bankann. Það er algengt að lögmenn
mæti fyrir fleiri en einn aðila á uppboð. Það eru engin takmörk á því.“ Og hvað varðar það að hann muni sem fasteignasali á svæðinu, líklegast fá húsið til sölu til sín brást Ingi nokkuð illa við að því er virðist. „Það veit ég ekkert um. Hvað tengist það þessu? Heldur þú að uppboðin séu knúin fram í þeim tilgangi að eignirnar fari í sölu hjá ákveðnum fasteignasala?“
Fram kemur í grein DV að samkvæmt þeirra heimildum hafi Arion banki nær einungis skipt við fasteignafélags Inga.
Sjá meira hér: „Ég get fullyrt að kosningalög voru brotin – Auðveldlega hægt að bæta við seðlum úr ruslinu“
Athugasemdir