Staðan á Seyðisfirði verður endurmetin eftir helgi: „Við erum ekki að taka neina áhættu“

Hættu­stigi var lýst yfir í gær á Seyð­is­firði vegna hættu á skriðu­föllum en von er á mik­illi úrkomu á svæð­inu.

Ákvörð­unin var tekin í sam­ráði milli rík­is­lög­reglu­stjóra og lög­reglu­stjór­ann á Aust­ur­landi.
Unnið var að því að opna fjölda­hjálp­ar­stöð í Herðu­breið sem er opin öllum íbúum svæð­is­ins.

Björn Ingi­mars­son, sveita­stjóri Múla­þings sagði í við­tali við Mbl að miklu máli skipti að fólk vissi að engar áhættur yrðu teknar.

„Það sem skipt­ir máli er að fólk sé með­vitað um það að við erum ekki að taka neina áhættu, það er rýmt frek­ar fyrr en seinna,“

Stefnt er að því að end­ur­meta stöð­una eftir næstu helgi og sér­fræð­ingar komi til með að fara yfir málin með íbúum. Þangað til verði engin áhætta tekin.

„Á meðan það er ein­hver óvissa þá erum við ekk­ert að taka neina áhættu,“ sagði Björn sveita­stjóri.

Fleiri mælar séu á svæð­inu en áður og eru mæl­ing­arnar því orðnar nákvæm­ari. Ekki sé komin reynsla á það hvenær þurfi að rýma svæðið og hvenær ekki.

„Síðan skul­um við ætla að reynsl­an leiði í ljós hvenær þess þurfi og hvenær ekki í fram­tíð­inni.“