Átök á Matartips vegna áfengisauglýsingar Sverris: „Hvar er admin???“

„Nyja­vin­bu­din.is er bresk vef­verslun með áfengi á allt að 50% betra verði, við sendum heim sam­dæg­urs og fólk getur sótt til okkar sama dag.“

Svo hljóðar upp­haf færslu Sverris Einars Eiríks­sonar, en í henni aug­lýsir hann áfeng­is­net­verslun sína, sem valdið hefur nokkru fjaðrafoki í umræð­unni um ein­okun og frelsi á áfeng­is­mark­aðnum.

Í færslu sinni segir Sverrir versl­un­ina stöðugt vera að bæta við sig vörum, en að hann vilji gjarnan fá upp­á­stungur neyt­enda að vörum sem þeim þyki ómissandi. Versl­unin muni svo gera sitt besta í að koma til móts við ábend­ing­arnar.

Hvorki meira né minna en 345 ummæli hafa verið skrifuð við færsl­una þegar þessi frétt er rituð.

Neyt­endur kepp­ast þar við að vekja athygli á sínum upp­á­halds áfengu veigum og Sverrir svarar mörgum athuga­semd­unum og tekur vel í til­lög­urnar.

Þó eru margir sem nýta tæki­færið og gagn­rýna versl­un­ina eða sýna van­þóknum sína með einum eða öðrum hætti.

„Er þetta að breyt­ast í áfengis síðu? Ég því mót­fall­inn,“ segir Einar til dæmis.

Sumir mat­gæð­ingar síð­unnar telja að þarna séu reglur hóps­ins, sem leggja blátt bann við aug­lýs­ingum, þver­brotnar. Í regl­unum segir:

„Aug­lýs­ingar bann­aðar án þess að hafa sam­band við admin.“

Sverrir kærir sig koll­óttan og svarar með eft­ir­far­andi hætti:

„Þetta smellpassar.“

Aðrir benda þó á að þarna sé um að ræða færslu sem greini­lega veki áhuga og ánægju með­lima hóps­ins og því ætti að leyfa henni að standa.

„Það munar 0,4%, það er nú ekki mikið“

Bjarni er óánægður með að Sverrir skuli bera saman verð á bjórnum Stellu Artois í rík­inu og þeirri Stellu Artois sem net­versl­unin selur. Þetta sé ekki sama varan. Stellan sem seld sé í rík­inu sé með 5,0 pró­sent áfeng­is­magn á meðan Stellan sem Sverrir selur sé með 4,6 pró­sent áfeng­is­magn. Það snú­ist ekki bara um áfeng­is­pró­sentu, heldur sé bragðið ekki það sama af þessum tveimur bjórum.

„Berið ykkur saman við vöru sem er langt í frá að vera sama varan og þyk­ist svo vera miklu ódýr­ari. Hversu fyndið. Verið með sömu vöru í verð­sam­an­burð ykkar,“ segir Bjarni.

Sverrir blæs á þessar aðfinnslur Bjarna:

„Það kemur nú skýrt fram pró­sentan, það munar 0,4% það er nú ekki mikið.“

Birgitta nokkur bendir Sverri á reglu­gerð um bann við áfeng­is­aug­lýs­ingum:

„Sæll Sverrir Einar Eiríks­son. Það er kannski eitt­hvað í þess­ari reglu­gerð sem þú átt eftir að lesa.“

Í kjöl­farið upp­hefj­ast nokkrar rök­ræður með­lima Mat­ar­tips um inni­hald þess­arar reglu­gerðar. Sumir vilja meina að þar sem Facebook sé erlend síða sé í góðu lagi að aug­lýsa áfengi inni á hópum þar. Aðrir segja það alrangt og að þegar hópar séu íslenskir eigi reglu­gerðin við.

Hvar er admin?

Sigga nokkur stígur stærra skref í að tjá óánægju sína með færslu Sverris:

„Ef þú gætir sleppt því að aug­lýsa hérna þá væri það fínt. Enda bannað að aug­lýsa áfengi og svo hef ég ekki áhuga á að sjá and­lit­inu þínu bregða fyrir miðað við sögur sem ég hef heyrt.“

Stefán tekur undir það:

„Bara hár­rétt hjá Siggu Lilju og hann er líka með á sig kæru frá ÁTVR.

Hvar er ADMIN ????????“