Lögreglan hafði í nógu að snúast í nótt: Hópslagsmál og gamnislagur

Lög­reglan á höf­uð­borg­ar­svæð­inu hafði nóg að gera í miðbæ Reykja­víkur í nótt. Töluvert var um lík­ams­árásir og slags­mál.

Ekið var á bif­reið í miðbæ Reykja­víkur, en öku­maður bif­reið­ar­innar sem ekið var á til­kynnti lög­reglu um málið. Þegar lög­regla kom á stað­inn höfðu þrír menn, sem ollu árekstr­inum, farið úr sinni bif­reið og látið sig hverfa. Aug­ljós­lega hugn­að­ist þeim ekki að hitta lög­reglu, en ekki kemur fram hvort bif­reiðin hafi verið gerð upp­tæk. Líklegt þykir að við­kom­andi aðilar muni þurfa að fara í gegnum lög­reglu, vilji þeir bif­reið­ina til baka. Ef hún er þá yfir höfuð þeirra eign.

Aðili sem var við­rið­inn lík­ams­árás í mið­bænum neit­aði að gefa lög­reglu upp nafn sitt eða kenni­tölu og þrjóskað­ist við þar til hann var hand­tek­inn í þágu rann­sóknar máls­ins og fluttur á lög­reglu­stöð­ina á Hverf­is­götu. Þegar þangað var komið veitti hann loks upp­lýs­ing­arnar, en með athæfi sínu hefur hann nú tryggt sér kæru fyrir að segja ekki til nafns eða fram­vísa skil­ríkjum að kröfu lög­reglu.

Árás­armaður veitt­ist að aðila fyrir utan skemmti­stað í miðbæ Reykja­víkur og skall­aði hann í and­litið – svo tennur í við­kom­andi brotn­uðu. Þegar lög­regla kom á stað­inn var saka­mað­ur­inn á bak og burt, en brota­þoli var sendur með sjúkra­bíl á slysa­deild til aðhlynn­ingar.

Leigu­bíl­stjóri þurfti að aka ofurölvi far­þega bein­ustu leið upp á lög­reglu­stöð­ina á Hverf­is­götu, þegar í ljós kom að far­þeg­inn gat ekki með nokkru móti gert grein fyrir sér eða ferðum sínum, eða greitt far­gjaldið. Svo fór að far­þeg­inn var vistaður í fanga­geymslum sökum ann­ar­legs ástands hans.

Par var í nótt hand­tekið eftir að hafa ráð­ist á far­þega í leigu­bif­reið. Auk þess að ráð­ast á far­þeg­ann skemmdu þau leigu­bif­reið­ina og þegar lög­regla kom á vett­vang neit­uðu þau að fara eftir fyr­ir­mælum. Annar aðil­inn reyndi einnig að koma í veg fyrir að lög­regla gæti unnið störf sín. Parið reynd­ist hafa fíkni­efni í fórum sínum og voru báðir aðilar vistaðir í fanga­klefa.

Lögregla fór í eina af hús­vitj­unum sínum þar sem til­kynnt hafði verið um slags­mál í heima­húsi. Þegar hús­ráð­endur komu til dyra voru hins­vegar allir á staðnum hlæj­andi og bros­andi. Það kom fljót­lega í ljós að um gamn­islags­mál hafði verið að ræða og allir á staðnum perlu­vinir.

Það vekur upp spurn­ing­una hver það hafi verið sem til­kynnti athæfið – hvort nágranna hafi hrein­lega sýnst vera um að ræða ósvikin og hörð átök, eða hvort þarna hafi ein­hver legið í leyni og fylgst með fjör­inu, súr yfir að vera ekki boðið með.