Bryndís slegin yfir verði á kaffibolla og smárétti: „Café Milano hefur alltaf verið okurbúlla“

„Ég hef farið tvisvar á veit­inga­staði að und­an­förnu – á kaffi­tíma. Í dag fengum við okkur smá­rétt á Kraumu sem kost­aði kr. 2.600 (sjá mynd). Og bauð svo mömmu í kaffi á Café Milano (sjá mynd). Bollinn kost­aði 780 krónur. Er þetta ekki dáldið dýrt?“

Svo spyr Bryndís nokkur í Facebook-hópnum „Vertu á verði – eft­ir­lit með verð­lagi“, en sá hópur er hratt og örugg­lega að verða mik­il­vægt tól neyt­enda við að vakta hin ýmsu neyt­enda­mál, þó sér í lagi mál er varða verð­lag á Íslandi.

Með færslu Bryn­dísar fylgja myndir af smá­rétt­inum á Kraumu og kvittun frá Café Milano.

Þó smá­réttur sé, verður að segj­ast að fyrir 2.600 krónur hafi Bryndís fengið ansi lítið fyrir snúð sinn. Á disk­inum má sjá fjóra asp­as­stöngla, nokkra ost­bita, tvær hrá­skinkurúllur, örlitla slettu af sósu og nokkrar flísar af parmesa­nosti dreifðum yfir her­leg­heitin.

Smá­rétt­ur­inn hjá Kraumu

Kvitt­unin sýnir hins vegar það sem verður að telj­ast nokkuð slá­andi verð­lagn­ing á kaffi.

Um er að ræða bolla af Americano á kaffi­hús­inu Café Milano. Americano er kaffi sem búið er til með því að blanda saman espresso og heitu vatni. Engin mjólk kemur þar við sögu, eða nokkuð annað en kaffi og vatn.

Kvitt­unin frá Café Milano

Á kvittun Bryn­dísar má sjá að Americano-kaffi­boll­inn kostar 780 krónur á kaffi­hús­inu.

Dagný nokkur er sam­mála því að kaffið sé dýrt, þótt hún sé ekki eins viss um rétt­inn á Kraumu:

„Mér finnst kaffið dýrt. Veit ekki hvort mér finnst rétt­ur­inn dýr. Aspas á þessum árs­tíma – hvaðan kemur hann? Hrá­skinka er dýr. Veit ekki hvað er meira þarna.“

„Allt of dýrt, eina sem þau skilja ef fólk hættir að versla hjá þeim. Americano er líka miklu dýr­ari en ann­ars staðar,“ segir Katrín.

„Café Milano hefur alltaf verið okur­búlla. Ekkert nýtt þar,“ segir Stefán.

Þór­hildur kemur Kraumu til varnar:

„Eðlilegt verð fyrir for­rétt á veit­inga­stað.“

Arnþór setur fyr­ir­vara:

„Er Krauma Michelin staður eða 4-5 stjörnu staður? Ef svo er þá já eðli­legt, ef ekki þá er þetta mjög dýrt.“

„Cafe Milano er ekki kom­inn tími til að þið lækkið verðið á kaff­inu hjá ykkur?“ spyr Hildur í athuga­semd sinni og merkir kaffi­húsið í hana. Það vill þó ekki betur til en svo að hún merkir þar Cafe Milano, kaffi­hús sem stað­sett er í Washington í Banda­ríkj­unum og getur lítið gert í verð­lagn­ingu kaffi­húss á Íslandi.

„Ein teskeið af kaffi fyllt upp með heitu vatni. Mesta fram­legð sem til er og nán­ast eng­inn kostn­aður fyrir veit­inga­stað­inn. Og ekki reyna að afsaka þetta okur með stól og borði og ein­hver rétti þér boll­ann, það má nú ein­hver milli­vegur vera..,“ segir Haffi.