Svæsið hommahatur þrífst á Íslandi og hótanir dynja á hinsegin fólki: „Drepa, drepa, drepa, drepa“

Talsvert er um það að hinsegin fólk sé áreitt með sím­tölum. Svo virð­ist sem hópur ein­stak­linga legg­ist í þá sví­v­irðu að ein­elta homma og trans­fólk með slíkum hætti. Þá er einnig algengt að fatl­aðir verði fyrir barð­inu á þess háttar ill­mennsku.

Þorbjörg Þor­valds­dóttir, for­maður Sam­tak­anna ’78, sagði í sam­tali við RÚV að ger­end­urnir ætli sér að vekja ótta á meðal minni­hluta­hópa. Hún segir ekki vitað nákvæm­lega hverjir séu á ferð­inni en að unnið sé að rann­sókn á því.

Aðferðin er sú að hringt er eða send skila­boð í gegnum sam­skipta­for­rit úr fölsuðum aðgöngum. Fólki er þannig hótað ofbeldi, jafn­vel líf­láti.

„Í raun á alltaf að láta okkur vita verði fólk fyrir hat­urs­orð­ræðu, eða hat­urs­glæp af ein­hverju tagi sem teng­ist hinseg­in­leika. Það skiptir okkur miklu máli, bæði að hafa yfir­sýn yfir hvað er í gangi og líka geta boðið stuðn­ing og ráð­gjöf. Bæði per­sónu­lega og lög­fræði­ráð­gjöf,“ sagí Þorbjörg við RÚV.

Upptökur af sam­tölum þar sem karlar segj­ast til­heyra Homma­bönum ganga nú ljósum logum á sam­fé­lags­miðlum. Mannlífi hafa borist slíkar upp­tökur þar sem með sví­virði­legum hætti er sótta að þessum minni­hluta­hópum. Homma­ban­arnir segja þó að þeirra hlut­verk sé ekki að myrða homma, heldur að drepa hommann í við­mæl­endum sínum.

Í einni upp­töku má heyra karl­mann segj­ast vera í Homma­bana­sveit­inni. „Það er ekk­ert hobbí ef ég fæ borgað fyrir að buffa hommana.“  Hann seg­ist fá borgað fyrir að vera í sveit­inni.

RÚV vísar til ann­arrar upp­töku þar sem þessi orð falla.

„Við höfum ekki drepið neinn homma en við höfum, þú veist það er meira verið að drepa hommann í þér, fatt­arðu? Að troða þér aftur inn í skáp­inn. Það er ekki að drepa mann­eskj­una heldur að drepa hommann, þess vegna erum við homma­banar.“

Svo kemur þetta fram á annarri upp­töku: „Þegar menn eru að drepa. Drepa, drepa, drepa, drepa. Við drepum ekki hommana. Nei við drepum ekki hommana, það er bara ekki leyfi­legt. Bara svona smá að buffa þá. Aðeins svona smá svona. Bara svona þetta venju­lega.“

Haft er eftir Þor­björgu Þor­valds­dóttir bendir að andúð og ofbeldi gegn sam­kyn­hneigðum, ekki síst trans­fólki fari vax­andi í ýmsum nágranna­löndum okkar. Þetta end­ur­spegli for­dóma og gam­al­grónar hug­myndir um hvað það sé að vera karl og kona. Hat­urs­glæpir í garð trans­fólk hafi til dæmis auk­ist á Bret­landi