Ég var að vona að þetta væri skothelt en virkar þetta kannski bara á suma?
Tók töflurnar um leið og ég fann einkenni (hljóp beint í nýja apótekið við hlið Ruv í Efstaleiti, sem er frábært apótek!)“
Þetta segir Gísli Marteinn Baldursson, sjónvarpsmaðurinn og Viku-knapinn geðþekki, á Twitter í dag.
Ljóst er að Gísla stendur hreint ekki á sama um frunsuna, enda á leið í útsendingu á RÚV í kvöld.
Hjálpsamir netverjar hópast að tísti Gísla líkt og mý að mykjuskán.
„Hafið þið prófað anti-frunsu töflur frekar en frunsutöflur?? Hlífið mér! Hlífið mér! Það er föstudagur!“ segir Björn.
„Eða tryggja allavegana að frunsutöflurnar sem maður er að kaupa séu gerðar úr alvöru frunsum,“ svarar þá Hlynur.
Dagbjört vill raunverulega hjálpa Gísla að vera sem flottastur í Vikunni í kvöld:
„Pro tip fyrir fólk á skjánum: Það má fela þetta alveg í sminkinu með frunsuplástrum.“
„Skiptu bara yfir í Britney-mæk,“ ráðleggur Haukur. Þar á hann við spangarhljóðnema; spöng sem endar með kúlulaga hljóðnema fyrir framan munn þess sem hann ber. Hann gæti því falið óboðna gest Gísla ágætlega.
„Þú verður eiginlega að taka þær rétt áður en þú finnur fyrir einkennum. Þetta er án gríns sekúnduspursmál,“ segir Daníel.
Gísli fórnar höndum:
„Ég vissi bara ekki að ég væri alveg að fara finna fyrir einkennum, fyrr en ég fann fyrir einkennum!“
„Með tímanum læriru að finna fyrir einkennum rétt áður en þú verður var við einkennin,“ segir Daníel þá og ljóst er að hann hefur svarið við tilgangi lífsins, alheimsins og alls þess sem er.
„Hefur alltaf virkað fyrir mig ef ég er nógu snemma. Gamechanger í herpesleiknum,“ segir Gústi og er eflaust þeirrar skoðunar að ekki beri að hatast út í leikmanninn; betur fari að hata leikinn.
„Þú þarft bara að embracea það að vera #frunsuskvís,“ segir Ásta.
Már segir einfaldlega: „#frunsutwitter“.
Ef til vill er von á nýju Twitter-trendi, þar sem fólk skartar frunsum sínum stolt og segir reynslusögur sínar sem leikmenn í herpesleiknum.
Athugasemdir