Landspítali færður á hættustig: Hröð útbreiðsla veirunnar – starfsfólk þarf í örvunarbólusetningu

Land­spít­al­inn var að senda frá sér yfir­lýs­ingu vegna stöð­unnar sem komin er upp í tengslum við Covid 19 hér á landi; far­ald­ur­inn er á hraðri upp­leið og greini­legt að nú á að bregð­ast við hratt, enda full ástæða til.Yfir­lýs­ing­una frá spít­al­anum má lesa í heild sinni hér að neðan:

LANDSPÍTALI FÆRÐUR Á HÆTTUSTIG

Land­spít­ali var færður á hættu­stig í dag föstu­dag­inn 5. nóv­em­ber 2021, kl. 16:00. Þá kom við­bragðs­stjórn saman til fundar ásamt far­sótta­nefnd og tók ákvarð­anir sem varða breytta starf­semi.Samkvæmt skil­grein­ingu er hættu­stig þegar orð­inn atburður kallar á að starfað sé eftir við­bragðs­á­ætlun. Aukið og breytt álag er á fjöl­margar starfsein­ingar. Þetta getur falið í sér bæði breytta starf­semi og til­flutn­ing á verk­efnum og starfs­fólki.Nú eru 1.082 ein­stak­lingar í eft­ir­liti COVID göngu­deildar. Þrír sjúk­lingar liggja á gjör­gæslu­deild, allir í önd­un­ar­vél og einn í hjarta- og lungna­vél. Á smit­sjúk­dóma­deild eru nú 13 sjúk­lingar og nálg­ast deildin hratt þol­mörk. Byrjað er að huga að flutn­ingi sjúk­linga frá lungna­deild til að skapa rými þar fyrir COVID sjúk­linga en búast má við a.m.k. þremur inn­lögnum á dag að jafn­aði næstu daga.Mikill og vax­andi fjölda smita und­an­farið mun skila tals­verðum fjölda inn­lagna á næstu vikum. Legutími óbólu­settra sjúk­linga og þeirra sem þurfa á gjör­gæslu­með­ferð að halda er nokkuð lengri en þeirra sem eru full­bólu­settir og því er erfitt að spá um hvernig flæði sjúk­linga verður en gott flæði er lyk­ill­inn að því að hafa vís leg­u­rými á hverjum degi.Þegar spít­al­inn er færður á hættu­stig er dregið úr val­kvæðri starf­semi (aðgerðum, inn­gripum, göngu­deild­ar­þjón­ustu). Með því móti losnar um eitt­hvað af starfs­fólki sem getur þá komið til liðs við COVID deild­irnar. Einnig skap­ast svig­rúm á legu­deildum.1. Vegna fjölda smita sem hafa borist inn á spít­al­ann með gestum á und­an­förnum dögum og vikum telur far­sótta­nefnd ein­boðið að setja á heim­sókn­ar­bann frá og með mið­nætti. Eins og áður veita for­svars­menn deilda nauð­syn­legar und­an­þágur.2. Leyfi sjúk­linga eru aðeins heimil ef þau eru nauð­syn­legur und­ir­bún­ingur útskriftar og/eða hluti end­ur­hæf­ingar. Leyfi er þá bundið við einn stað og að við­kom­andi hitti fáa.3. Fundir hvers konar skulu haldnir sem fjar­fundir.4. Aldrei verður hægt að leggja of mikla áherslu á mik­il­vægi per­sónu­bund­inna sótt­varna, réttrar grímunotk­unar og að fara strax í sýna­töku ef ein­kenna verður vart. Þetta eru þau verk­færi sem við eigum, þekkjum og eru auð­veld í notkun. Áfram er grímu­skylda og eins metra regla. Þegar gríma er tekin niður til að mat­ast gildir tveggja metra regla.5. Þá er starfs­fólk ein­dregið hvatt til að fara í örv­un­ar­bólu­setn­ingu. Gögn sýna að örvun bætir mótefna­svarið veru­lega og það hjálpar við að takast á við delta afbrigði veirunnar.Við­bragðs­stjórn og far­sótta­nefnd munu funda dag­lega næstu daga og gefa út til­kynn­ingar að fundi loknum.