Dýrustu og ódýrustu apótek landsins

Nú á dög­unum kann­aði verð­lags­eft­ir­lit ASÍ verð á lausa­sölu­lyfjum og ýmsum öðrum vörum sem seldar eru í apó­tekum.

Samkvæmt vef ASÍ var verð kannað í öllum apó­tekum lands­ins eða 26 úti­búum. Eitt apó­tekið neit­aði hins­vegar þátt­töku í könn­un­inni og var það Borg­ar­apó­tek í Borg­ar­túni.

Costco oftast með lægsta verðið

Af þeim 149 vörum sem könn­unin náði til, var Costco með lægsta verðið á 53 þeirra. Rima­apó­tek kom næst á eftir Costco, en í 11 til­vikum voru vörur lægstar í verði þar.

Lyfja­búrið var oft­ast með hæsta verðið, en 39 vörur voru dýrastar þar og var í 33 til­vikum verðið hæst í Lyfju.

Samkvæmt könnun ASÍ var algeng­ast að munur á hæsta og lægsta verði væri á bil­inu 40-60%.

Einnig kemur fram að Verð­lags­eft­ir­lit ASÍ hvetur neyt­endur til að spyrja um sam­heita­lyf, sem gætu verið á hag­stæð­ara verði og athuga með afslátta­kjör.

Verðmunur á ákveðnum vörum

Samkvæmt könnun ASÍ var í mörgum til­fellum mik­ill munur á hæsta og lægsta verði á algengum lausa­sölu­lyfjum. Ofnæm­i­stöfl­urnar Kestine (20 mg) eru teknar sem dæmi, en 40% eða 4277 króna verð­munur var á 100 stykkjum. Lægst var verðið í Aust­ur­bæj­ar­apó­teki, 10.673 kr. en hæst 14.900 kr. hjá Apó­tek­inu Mos.

Einnig var mik­ill munur var á hæsta og lægsta verði á  til dæmis bæti­efnum, vítamínum, sjampói og snyrti­vörum.
Hið vin­sæla fæðu­bót­ar­efni, Benecta var ódýr­ast í Costco á 4.783 krónur og dýr­ast í Lyf­sal­anum Glæsibæ, en þar kostar það 6.360 krónur.
Einnig var nokkur munur á verð­lagi á Nutri­lenk Gold (180 töflur), en 2.573 króna munur var á hæsta og lægsta verði.