Edda Falak um viðtal Þóru: „Ofbeldismaður sem upplifir sig sem fórnarlamb á ekki heima í viðtali“

Áhrifa­vald­ur­inn Edda Falak er ekki ánægð með Þóru Arn­órs­dóttur, rit­stjóra Kveiks, en Þóra  var gestur í hlað­varp­inu Karl­mennskan þar sem hún ræddi við­tal sitt við leik­ar­ann atvinnu­lausa Þóri Sæmunds­son, sem hefur ekki fengið vinnu í fjögur ár: eða eftir að upp komst um typpa­mynda­send­ingar hans.

„Við höfum fengið þakkir að opna á erf­iða umræðu sem þessa, einnig miklar skammir fyrir að hafa ekki tekið umræð­una lengra. Við tökum til okkar að það hafi ekki verið nægi­lega skýrt það sem við vorum að segja og er gagn­rýnin að mörgu leyti rétt­mæt,“ voru orð Þóru.

Bætti við

„Við­mæl­andi verður að taka ábyrgð á sinni hegðun. Við getum ekki sagt að við tölum ekki við ósympat­ískt fólk. Gott og sterkt sam­fé­lag hjálpar þér aftur inn á hana og verðum við að horfast í augu við það að full­orðið fólk átti sig á afleið­ingum gjörða sinna, en það sé ekki alltaf þannig.“

Áður­nefnd Edda Falak segir á Twitter-síðu sinni að hún hafi hlustað á þátt­inn og „eftir að hafa hlustað á þátt­inn með Þóru langar mig til þess að minna á að það eiga ekki allir heima í umræð­unni. Ofbeld­is­maður sem upp­lifir sig sem fórn­ar­lamb á ekki heima í við­tali, hann á heima þar sem hann getur fengið hjálp,“ segir Edda og bætir þessu við:

„Þóra talar um Þóri sem mann á gráu svæði því hann hafi ekki verið kærður. Já Þóra, því konur sem kæra eru yfir­leitt geð­veikar, þú sást nú hvernig fór fyrir Aldísi Schram. Það er svo súr­r­eal­ískt að mæta í við­tal og ranta um að gera sam­fé­lagið betra þegar þú ert nýbúin að taka mein­tan ofbeld­is­mann í drottn­ing­ar­við­tal og fylla kommenta­kerfið af þolenda­skömm og við­bjóð. Það var bara ekki þörf á því, við vorum komin lengra en það í umræð­unni. Minni á: Ef þú ert ekki búin að axla ábyrgð, biðja þolendur þína afsök­unar og leyfi til þess að mæta í við­tal og tala um það sem þú gerðir að þá átt þú ekki heima í umræð­unni, bara punktur. Allt annað en narcissism og gas­lýs­ing.“