Sylvía Briem: „Ertu ekki að drekka? Af hverju ertu ekki að drekka?“

Ég hef alltaf fundið hvað áfengi fer ekk­ert sér­stak­lega vel í mig,“ segir Sylvía Briem Frið­jóns­dóttir þjálf­ari og þátta­stjórn­andi hlað­varps­ins Normið.

„Ég fer alveg vel með það en ég finn að það fer í tauga­kerfið á mér, “ útskýrir Sylvía um ástæðu þess að hún velur að drekka ekki áfengi.

„Ég finn líka að ég næ ekki að vera upp á tíu í því sem ég er að gera og ég er metn­að­ar­gjörn. Mig langar að vera upp á tíu í vinnu, skóla, börn­unum mínum, vinum, fjöl­skyldu og öðru. Ég vil ekki að áfengi taki svona mik­inn toll af mér.“

Sylvía er mark­þjálfi og Dale Carnegie þjálf­ari en er einnig að flytja inn heilsu­tengdar vörur, meðal ann­ars áfeng­is­lausa drykki.

„Ég hef alltaf drukkið ótrú­lega lítið frá því ég byrj­aði að drekka áfengi, jú ég tók alveg ung­linga­skeið þar sem maður fékk sér aðeins meira og fór á djam­mið,“ segir Sylvía og hlær.

Af hverju er verið að spyrja yfir höfuð?

Hún segir að oft sé þetta vani hjá fólki, en það ætti samt að vera sjálf­sagt að drekka stundum óáfengt vín eða óáfengan bjór inn á milli eða jafn­vel drekka bara ein­staka sinnum áfengi, án þess að það sé eitt­hvað til­töku­mál.

„Af hverju má fólk ekki drekka rauð­vín með góðri pítsu og drekka svo ekki áfengi í heilt ár, án þess að þurfa að útskýra það fyrir fólki? Af hverju er verið að spyrja yfir höfuð? Ég vil að við hættum að spyrja svona mikið út í þetta.“

„Ég vildi óska að þessar spurn­ingar myndu fara út, því fólk er bara að gera það sem þeim langar að gera.“

Misskilningur að fólk skemmti sér ekki jafnvel án víns

Algengur mis­skiln­ingur sé að fólk skemmti sér ekki jafn vel á við­burðum eða við ákveðin til­efni ef það drekkur ekki áfengi á meðan.

„Ég er sjálf ótrú­lega hress en er örugg­lega hressust þegar ég er ekki að drekka. Þessi óáfengi lífs­stíll er frá­bær.“

Hægt er að sjá við­talið í heild sinni hér.

Smelltu hér til að lesa brak­andi feskt helg­ar­blaðið eða flettu því hér fyrir neðan: