Haraldur læknir um Áslaugu Örnu: „Mjög óábyrgt af yfirmanni almannavarna að vera með þennan áróður“

Heim­il­is­læknir sem er kom­inn á eft­ir­laun, Haraldur Óskar Tómasson, lét skrá sig sem bak­vörð í upp­hafi Covid 19 far­ald­urs­ins; til að aðstoða við þau mörgu verk­efni sem sinna þurfti vegna veirunnar, en þetta kemur fram í frétt DV.

Haraldur var í fríi í sumar en núna í haust var aftur leitað til hans þegar verk­efnin hrúg­uð­ust upp og mjög erfitt var að finna mann­skap.

Hann er nú flesta daga í úthringi­veri Covid-göngu­deild­ar­innar; tekur þátt í að fylgja eftir sjúk­lingum sem hafa greinst með veiruna og eru í ein­angrun:

„Ég hef orðið var við að það er tölu­vert af óbólu­settu fólki sem er að veikj­ast. Mikið af þeim eru erlendir verka­menn sem eru fluttir hingað inn til skemmri tíma vegna vinnu. Þeir eru meðal þeirra sem hafa verið að veikj­ast mest hér.“

Haraldur nefnir að hann unnið þarna áður en bólu­setn­ing­arnar komu til sög­unnar, og þá hafi verið fleiri sem veikt­ust alvar­lega; segir að enn séu margir að veikj­ast og álagið mikið á spít­al­anum:

„Ég er auð­vitað bara starfs­maður á plani. Það er erfitt að manna þessar stöður,“ segir hann sem vill leggja sitt af mörkum þó hann sé kom­inn á aldur; situr við að jafn­aði fjóra til fimm klukku­tíma á dag og finnst það nóg.

Haraldur er afar ósáttur við mál­flutn­ing Áslaugar Örnu Sig­ur­björns­dóttur, dóms­mála­ráð­herra, og Þórdísar Kol­brúnar Reyk­fjörð Gylfa­dóttur, ráð­herra ferða­mála, en báðar hafa talað fyrir því að minnka tak­mark­anir:

„Mér finnst mjög óábyrgt af yfir­manni almanna­varna að vera með þennan áróður,“ segir hann og vísar þar til Áslaugar Örnu:

„Þær eru auð­vitað undir þrýst­ingi frá hags­muna­að­ilum og það getur maður fengið í bakið.“

Hann bendir á að vissu­lega séu óbólu­settir erlendir verka­menn sem koma hingað að vinna til skamms tíma ski­maður á landa­mær­unum, eins og allir aðrir, og mik­il­vægt sé að halda í þær tak­mark­anir:

„Það er nauð­syn­legt að við höldum því áfram. Ég var nýlega í sam­bandi við fjóra Amer­ík­ana þar sem þrír voru bólu­settir og ein­kenna­lausir en einn með væg ein­kenni. Þeir voru hins vegar allir með Covid og það greind­ist vegna þess að þeir voru ski­maður á landa­mær­unum. Án þess­ara tak­mark­ana hefðu þeir fengið að fara út í sam­fé­lagið og dreifa þar smit­inu. Sótt­varna­læknir leggur áherslu á að þessum skimunum sé haldið áfram og því er ég alveg sam­mála,“ segir Haraldur.