Karlmaðurinn sem fór um Dalsel á Egilsstöðum í lok ágúst og gekk þar berserksgang, vopnaður tveimur byssum hefur nú verið ákærður fyrir margvísleg brot.
Ákæra var gefin út á hendur honum um miðjan nóvember en honum birt ákæran í síðustu viku. Er hann ákærður fyrir tilraunir til manndráps, ógnun við öryggi almennings, vopnalagabrot, brot gegn valdstjórninni og barnalagabrot.
Austurfrétt segir frá málinu í dag.
Að lokum var maðurinn tekinn úr umferð er lögreglumaður skaut hann eftir að hann hafði beint haglabyssu sinni að lögreglunni. Við tók sjúkraflutningur til Reykjavíkur þar sem hann gekkst undir gríðarlega krefjandi aðgerð sem bjargaði lífi hans. Síðan þá hefur hann verið í gæsluvarðaldi.
Beindi skammbyssu að sambýliskonu sinni
Fyrsti liður í ákærunni snýr að broti hans í nánu sambandi og vopnalögum en hann, undir áhrifum áfengis, beindi skammbyssu að sambýliskonu sinni á heimili þeirra í Fellabæ
Þá snýr annar liður ákærunnar að tilraun til manndráps, húsbrot, eignaspjöll og vopnalagabrot. Er honum gefið að sök að hafa ráðist inn í hús fyrrum eiginmanns sambýliskonu sinnar, vopnaður skammbyssu og haglabyssu með þeim ásetningi að drepa húsráðanda, sem hafði yfirgefið húsið stuttu áður. Í húsinu skaut maðurinn þremur skotum úr haglabyssunni og tveimur úr skammbyssunni. Olli hann þannig skemmdum á baðherbergi og í eldhúsi. Þá skaut hann aukreitis sex skotum úr skammbyssunni og þremur úr haglabyssunni á tvo bíla í hlaðinu.
Þriðji ákæruliðurinn er fyrir brot gegn barnaverndarlögum sem og á vopnalögum fyrir að hóta tveimur bræðrum, 12 og 14 ára, á heimili þeirra með því að beina hlaðinni haglabyssu að þeim þar sem þeir sátu í sófa í stofunni. Þeim tókst svo að flýja út um stofudyr og út í skóg. Drengirnir eru synir húsráðanda og sambýliskonu skotmannsins.
Skaut að lögreglumönnum
Þá er fjórði ákæruliðurinn fyrir tilraun til manndráps, brot gegn valdstjórninni, eignaspjöll, vopnalagabrot og ógn við öryggi fólks. Er maðurinn sakaður um að hafa skotið úr anddyri hússins, þrisvar úr haglabyssunni á bíl í hlaðinu þar sem tveir lögreglumenn höfðu leitað skjóls á bakvið. Skotin lentu í bílnum og framhlið hússins á móti. Þar með telst hann
Fjórði liðurinn er fyrir tilraun til manndráps, brot gegn valdstjórninni, eignaspjöll, vopnalagabrot og ógn við öryggi fólks. Maðurinn á að hafa, úr anddyri hússins, skotið þrisvar úr haglabyssunni á bíl í hlaðinu sem tveir lögreglumenn höfðu leitað skjóls á bakvið. Höglin lenti í bílnum og framhlið hússins á móti. Með þessu telst hann með ósvífnum hætti hafa stofnað lífi og heilsu fólks í auðsjáanlegan háska.
Síðasti liðurinn snýr að broti gegn valdstjórn og vopnalögum með því að hafa gengið að lögreglubíl og beint að lögreglumanni sem þar hafði leitað skjóls, hlaðinni haglabyssu.
Auk ákæru héraðssaksóknara hafa konan, fyrrum eiginmaður hennar og synir þeirra höfðað einkamál gegn manninum. Fara þau fram á tæpa níu og hálfa milljón króna auk málskostnaðar.
Sjá einnig: Fjölmörg kúlnaför eftir skotárásina – Sjáðu myndir af vettvangi á Egilsstöðum
Sjá einnig: Áfallamiðstöð opnuð á Egilsstöðum eftir skotárás – Maðurinn liggur þungt haldinn
Athugasemdir