Birgitta með þrifaráðið sem allir þurfa: „Mér finnst samt eitthvað nasty við þetta“

Birgitta nokkur spyr á meðan aðrir þegja. Eitt af því sem hún þurfti nauð­syn­lega svar við er hvers vegna dökki þvott­ur­inn hennar lykti mun verra heldur en ólit­aður þvottur sem kemur úr sömu þvotta­vél.

Til að fá svarið leit­aði Birgitta til fjöl­menns sam­fé­lags á Facebook, Þrifatips! Þar spyr hún:

„Af hverju kemur bara vond lykt af dökkum þvotti (fötum) hjá mér? Ég tek fötin úr um leið og þvotta­vélin stoppar, samt er ein­hver fúkka­lykt af þeim. Þessi lykt finnst varla þegar fötin þorna en mér finnst samt eitt­hvað nasty við þetta. Ég hef vilj­andi látið annan þvott bíða í þvotta­vél­inni í lengri tíma til að sjá hvort þetta ger­ist en það kemur engin lykt af því,“ segir Birgitta og heldur áfram:

„Ég hef prófað að setja stakar flíkur í roda­lon og ég hef notað dettol efnið úr costco, mat­ar­sóda, edik og ég þvæ vél­ina reglu­lega og nota suðu­þvott oft, nota aldrei mýk­ing­ar­efni og hef prófað að hengja fötin út til þerris en það breytir engu..?“

Asni margir með­limir hóps­ins við­ast þekkja vanda­málið og flestir þeirra benda á töfla­með­alið Rodalon, sem bæta eigi í vél­ina við og við. Hrafn­hildur þekkir málið. „Kannast við svona. Einmitt mest af dökkum þvotti. Hef skutlað roda­loni í hann öðru hvoru of þá minnkar/lag­ast þetta,“ segir Hrafn­hildur.

Ásrún er líka með ráð. „Þessi lykt er lík­lega úr vél­inni. Sjóddu nokkrar vélar og þá ætti lyktin að hverfa. Sjóddu svo alltaf c.a. einu sinni í viku í vél­inni og not­aðu aldrei mýk­ing­ar­efni,“ segir Ásrún.

Perla hefur einnig verið að glíma við vonda lykt úr lit­uðum þvotti. „Tengi en virð­ist samt bara koma af vissum flíkum úr sama efni og þegar þau eru hengd upp, þetta lag­að­ist hjá mér eftir að við fluttum og þvott­ar­húsið sem ég er með núna loftar betur og lyktin kemur ekki ef ég set flík­urnar í þurrkara á delicate þurrk. Einmitt bara svartur þvottur en gerð­ist aldrei með lit­að­ann eða hvítan þvott,“ segir Perla.

Lísa hall­ast að því að vand­inn teng­ist lit­ar­efni flík­anna. „Labbaði fram­hjá lykt­andi rekka í New Yorker á dög­unum. Það eru ónotuð og óþvegin föt! Eins hef ég heyrt að maður eigi aldrei að nota svarta sokka í rækt­inni/íþróttum, því það komi mikið frekar táfýla í þá. Ég hef engar sann­anir fyrir þessu og nenni ekki að gúggla þetta,“ segir Lísa.