Hvernig var tískan þegar þú fæddist og hvernig hefur hún þróast. Í Baksýnisspeglinum í dag verða grafnir upp gamlir gullmolar og farið yfir hvað var í tísku hér á árum áður.
Við byrjum á herrans árinu 1992 en þá sló hann Karl Lagerfeld heldur betur í gegn er hann hannaði föt fyrir Chanel.
Fjallað var um sýninguna í íslenskum blöðum en var hann lýst svo:
„Margar hugmyndir hans voru sóttar í kvikmyndina The Adams family, svo sem nýþröngu svörtu kjólarnir, hattar sem voru eins og köngulóavefir og fleira í þessum dúr“.
Það sama ár voru allir girtir, vel girtir en það virðist vera nokkuð erfitt að finna mynd af manneskju sem er ekki girt þetta árið.
Þegar við spólum nokkur ár fram í tímann eða til ársins 1999 var fólk einfaldlega hætt að girða sig. Þá voru magabolir komnir í tísku og buxurnar heldur neðar en undir handakrika. Þá má iðulega sjá að karlmenn sem eru tilbúnir í hvaða færð sem er á skóbúnaði að dæma. Þessir þykku sólar geta gengið hvaða fjall sem er.
Árið 2006 ákvað einhver að belti skyldi fara fyrir neðan brjóst en ofan mitti, ekki á buxurnar. Sú tíska varð gríðarlega vinsæl og þótti afskaplega smart. Karlmenn fóru að klæðast vesti yfir stuttermaboli en annars var það stærsta trendið það árið.
Endum þennan Baksýnisspegil á tískunni árið 2015. Rifnar gallabuxur komu þá sterkar inn enn ekki jafn sterkt og athugasemdin „Heyrðu þú hefur dottið svona illa á hnén“.
Þær hanga enn í tískunni sem og allt hitt líka.
Athugasemdir