Jóhannes opnar sig um tvíkynhneigðina: „Þetta hafði verið að angra mig dálítið í einhvern tíma“

Þetta segir Jóhannes Þór Skúlason, fram­kvæmda­stjóri Samtaka ferða­þjón­ust­unnar, í ein­lægu við­tali við Gay Iceland.

Í við­tal­inu lýsir Jóhannes því hvernig hann upp­götv­aði og lærði að skilja eigin kyn­hneigð, en hann er tví­kyn­hneigður. Hann kom opin­ber­lega út úr skápnum fyrir þremur árum síðan, en tekur það þó fram að ýmsir nákomnir honum hafi þó vitað af þessu.

„[…]það tók nærri því tíu ár að átta mig á og bara skilja hvað tví­kyn­hneigð væri. Er ég gagn­kyn­hneigður maður sem lað­ast líka að mönnum, eða? Hvað þýðir tví­kyn­hneigð? Er þetta ann­að­hvort-eða?

Jóhannes segir vitað að tví­kyn­hneigðir menn séu þarna úti. „Það er mikið af þeim. En þeir virð­ast ekki, hvort sem það er val eða ekki, koma fram í sviðs­ljósið.“

Var sískynja, gagnkynhneigði karlmaðurinn

Jóhannes ákvað að koma opin­ber­lega út með kyn­hneigð sína eftir að hann var gestur í Viku­lok­unum á Rás 1. Hann hafði ekki falið þetta fram að því en ekki fundið sér­staka þörf fyrir að tala um það að fyrra bragði.

Þátt­ur­inn var á dag­skrá viku fyrir Hinsegin daga í Reykja­vík og með honum sem gestir í setti voru þær Hanna Katrín Frið­riks­dóttir og Þóra Kristín Ásgeirs­dóttir.

„Báðar tvær eru þær bar­áttu­konur fyrir rétt­indum hinsegin fólks. Þegar umræðan fór svo að snú­ast um Hinsegin daga varð alveg ljóst hvert mitt hlut­verk í hópnum var. Ég var sískynja, gagn­kyn­hneigði karl­mað­ur­inn í setti með tveimur les­b­íum. Það gerði svo­lítið úts­lagið, ég varð bara þreyttur á því að vera settur í rangt box. Þetta hafði verið að angra mig dálítið í ein­hvern tíma en þetta ýtti mér yfir brún­ina,“ segir Jóhannes.

Eftir þetta tók Jóhannes ákvörðun um að vera mun opn­ari með kyn­hneigð sína en hann hafði áður verið. Þegar kom að Hinsegin dögum hringdi hann í móður sína og systur. Hann skrif­aði líka færslu um málið á Facebook og fékk afar jákvæð við­brögð.

Mamma hafði áhyggjur af áhrifum á starf hans 

Jóhannes segir að þrátt fyrir að flest við­brögðin hafi verið jákvæð, hafi sum þeirra þó verið full dramat­ísk. Til að mynda hafi sumir vinir hans haldið að hann væri að skilja við kon­una sína þegar þeir sáu færslu hans á Facebook.

„Mamma mín hafði aðal­lega áhyggjur af því hvort þetta myndi hafa ein­hver áhrif á starfið mitt. Þetta voru svona hlutir sem komu mér til að sjá hvaða hluti mikið af fólki, ef til vill flest fólk, þarf að takast á við þegar það kemur út úr skápnum sem hinsegin. Í mis­miklum mæli auð­vitað. Ég var mjög hepp­inn, þetta var mjög lítið hjá mér.“

Umræður um veruleika tvíkynhneigðra karlmanna

Jóhannes tók nýverið þátt í umræðupanel Sam­tak­anna 78 fyrir tví­kyn­hneigða karl­menn. Hann segir þá hafa verið þrjá saman að ræða veru­leika tví­kyn­hneigðra karl­manna á Íslandi.

„Það var dálítið skrýtið að eng­inn okkar hafði áður verið í her­bergi með tveimur öðrum tví­kyn­hneigðum karl­mönnum. Eftirá átt­aði ég mig á því að þeir voru að minnsta kosti fimm tals­ins í þessu sama her­bergi í Norræna Húsinu.“

Lífið er grátt

Jóhannes segir að ef til vill sé tví­kyn­hneigð ekki nákvæm skil­grein­ing í hans til­felli, en það sé þó sú skil­grein­ing sem passi honum einna best.

Hann segir að þegar hann hafi verið að fikra sig í átt að skil­grein­ingu sem pass­aði honum og í leið­inni skilja hvað tví­kyn­hneigð væri, hafi hug­myndin um pankyn­hneigð farið að láta til sín taka og að það væri munur á þessu tvennu.

„Umræðan um rétt­indi trans­fólks og við­ur­kenn­ing á trans­fólki spilar þarna inn í. En fyrir mér er þetta tvennt nákvæm­lega það sama. Tví­kyn­hneigð er mitt orð yfir það. Það lýsir mér. Almennt séð er ég ekki hrif­inn af þeirri hug­mynd að þú getir aðeins lað­ast að þessum tveimur kynjum, öðru eða báðum. Það er eins og að gera allt annað hvort svart eða hvítt. Lífið er grátt. Það er ekki ann­að­hvort-eða,“ segir Jóhannes.

Viðtalið má finna á Gay Iceland.