30 staðfest Omíkron-tilfelli og engar herðingar: „Virðist sem örvunarbólusetningin geri útslagið“

Bólu­setn­ingar og örv­un­ar­bólu­setn­ingar hafa sannað sig gegn alvar­legum veik­indum af völdum Omíkron-afbrigðis kór­ónu­veirunnar, sam­kvæmt Þórólfi Guðn­a­syni sótt­varna­lækni. Þessu er greint frá á RÚV.

Nú eru tæp­lega 30 stað­fest til­felli Omíkron-smita á Íslandi og reiknað er með því að þeim muni fjölga til muna. Hingað til hafa veik­indi ekki verið alvar­leg vegna afbrigð­is­ins.

Þórólfur segir að þeir sem hafi smit­ast hér af hinu nýja afbrigði sé mikið til fólk sem hafi verið að koma erlendis frá, „frá mörgum löndum“. Hann segir ein­hver smit hafa orðið inn­an­lands.

Þórólfur telur ekki ástæðu til að breyta sótt­varna­reglum eins og staðan er núna. Enn hafa engar fréttir af alvar­legum til­fellum vegna Omíkron borist – hvorki hér á landi né ann­ars­staðar. Þórólfur gerir ráð fyrir að línur muni skýr­ast á næst­unni.

„Við stöndum nokkuð í stað í útbreiðsl­unni og ef eitt­hvað er þá erum við að fara heldur niður á við. Þannig að við erum ekki á slæmum stað hvað það varðar og svo er spít­al­inn ekki í telj­andi vand­ræðum eins og staðan er. Það eru eitt­hvað um 15 manns inniliggj­andi og þar af þrír á gjögæslu þannig að það hefur oft verið verra. Helgin var ekki slæm á spít­al­anum og von­andi helst það áfram. Mér finnst ekki til­efni til að fara út í harð­ari aðgerðir að sinni,“ segir Þórólfur í sam­tali við RÚV.

Samkvæmt Þórólfi gefur örv­un­ar­bólu­setn­ingin góða raun. Hún virð­ist tíu sinnum öfl­ugri en bólu­setn­ing tvö gegn Delta-afbrigð­inu.

„Það virð­ist sem örv­un­ar­bólu­setn­ingin geri úts­lagið núna bæði á smit og alvar­leg veik­indi. Þannig að það ætti að vera hvatn­ing til allra að fara í örv­un­ar­bólu­setn­ingu og bólu­setn­ingu yfir höfuð.“