Halldór er ekki hrifinn af nýju nafni Sambó: „Sambó verður að Skít í munni túrista“

Þetta segir Halldór Högurður, ráð­gjafi með meiru, í færslu á Facebook-síðu sinni. Vísar hann þar í frétt DV sem birt­ist í dag og greindi frá því að sæl­gæt­is­fram­leið­and­inn Kólus hefði breytt nafn­inu á Sambó sæl­gæti sínu yfir í Sanbó. M-inu hefur sem sagt verið skipt út fyrir N.
Sælgæti fyr­ir­tæk­is­ins er sívin­sælt, sér­stak­lega lakk­rís­inn, en síð­ustu ár hefur borið nokkuð á gagn­rýn­is­röddum vegna Sambó nafns­ins. Nafnið hefur af mörgum verið talið rasískt. Máli sínu til stuðn­ings hafa ýmsir bent á skírskotun nafns­ins í gömlu barna­bók­ina Litli svarti Sambó, en fram­setn­ing bók­ar­innar á svörtu fólki þykir bæði afar óvið­eig­andi og for­dóma­full og hefur verið gagn­rýnd mikið síð­ustu ár.

Segir nafnið koma frá rússneskri bardagaíþrótt

Fram­kvæmda­stjóri Kólus, Snorri Páll Jónsson, hefur þver­tekið fyrir þetta og rakið nafn­gift­ina til rúss­nesku bar­daga­í­þrótt­ar­innar Sambó.

Í sam­tali við DV í dag segir Snorri nafna­breyt­ing­una koma til vegna ásak­ana um ras­isma. Hann talar sér­stak­lega um að þegar ferða­menn leiti að sæl­gæt­inu á net­inu fái þeir upp ásak­anir um kyn­þátta­for­dóma í stað sæl­gæt­is­ins.

Snorri vill meina að sumir séu ekki til­búnir til þess að átta sig á því að nafnið eigi sér ekki rasískan upp­runa. Að end­ingu hafi verið ákveðið að nota Sanbó í aug­lýs­ingar fyrir ferða­manna­mark­að­inn. Snorri segir fyr­ir­tæk­inu hafa leiðst þetta og ákveðið að lúta í lægra haldi. Það sé umræða á sam­fé­lags­miðlum sem eyði­leggi orð­spor sæl­gæt­is­ins.

Af umbúðum Sambó.

Í fyrra var hrundið af stað und­ir­skrifta­söfnun þar sem þess var kraf­ist að nafn­inu yrði breytt. Í grein Grapevine frá árinu 2015 var málið tekið fyrir og fyr­ir­tækið harð­lega gagn­rýnt. Þar fylgdu meðal ann­ars myndir af gömlum kassa utan af Sambó lakk­rís, hvar sjá má svartan dreng með tígris­dýr á hæl­unum á sér, sem rímar tví­mæla­laust við sög­una um Litla svarta Sambó.

Skeiniprik Búddista til forna

Svo vikið sé aftur að færslu Halldórs Högurðar, sem hefur sopið ýmsa fjör­una í mark­aðs­málum, er það að sjá að honum finn­ist Kólus ekki endi­lega hafa valið vel þegar nýtt nafn var sett á sæl­gætið.

„Það þarf bók­staf­lega að ANAL-ísera íslenska sæl­gæt­is­fram­leið­endur. Opal brill­er­aði í Danmörku um árið með „OBAL“ og nú ætlar Sambó að kalla sig Sanbó í frí­höfn­inni en Sanbo er í ensku slangri skipt út fyrir shit í oh shit og því gæti fyr­ir­sögnin verið „Sambó verður að Skít í munni túrista“

Einnig er Sanbo eitt þeirra orða sem notað var yfir skeiniprik búddista til forna. Þessir sæl­gæt­is­fram­leið­endur virð­ast vera með haus­inn upp í rass­gat­inu hvað nafna­giftir varðar. Verandi ráð­gjafi í mark­aðs­málum er það hobbí hjá mér að googla ný nöfn á fram­leiðslu­vörum, það er ekki leið­in­legt hobbí,“ segir Halldór Högurður að lokum.

Samsett mynd Halldórs Högurðar af frétt DV og þýð­ing­unni á slangr­inu Obal í Urban Dictionary.