Útskriftanemar úr jákvæðri sálfræði 2015-2016 hafa tekið höndum saman og færa fram jákvæð og uppbyggjandi innlegg á aðventunni. Þau halda úti hóp á facebook sem heitir; Jákvæðu Jólasveinarnir, þar sem þau hafa gefið jólaveinunum örlítin nýjan búning.Ketkrókur kemur til byggða þann 23.desember á Þorláksmessu. Hann veit ekkert betra en ket(kjöt). Ketkrókur er nokkuð útsjónarsamur þegar kemur að því að verða sér úti um það. Hann setur krókstaf niður um eldhússtrompinn og krækir sér þannig í hangikjötslæri sem hengd eru í rjáfrin eða nær sér í heitan hangikjötsbita beint úr pottinum.Jákvæði ketkrókur hefur fylgst með þeim neyslubylgjum sem mannfólkið hefur sveiflast með. Minni áhersla á kjötát var farið að valda honum áhyggjum.Þær voru þó fyrst og fremst persónulegar, gæti verið að hann væri að verða óþarfur? Var sá tími að renna upp að engin þörf væri fyrir síkáta Ketkrókinn, jólasveininn sem elskar góða jólasteik?Sjálfstalið var nú heldur orðið dapurlegt hjá okkar manni, niðurrifið var of mikið og sjálfstraustið í molum.Hvað er til ráða þegar þessir kraftar eru alsráðandi? Auðvitað að hringja í vin og ræða málin. Gera skil á milli hugsana, tilfinninga og staðreynda, setja hverja pælingu á sinn stað.Sem sagt leggja spilin á borðið.Allt í einu áttaði próteinkrókurinn sig, auðvitað þarf fólkið góðan jólamat, þarfirnar eru bara að breytast. Sumir velja grænt, aðrir ómengað, sumir vænt og aðrir eitthvað allt annað.En allir vilja eiga þessa góðu stund sem jólamáltíðin er, borða góðan mat með sínu kærasta fólki, opna hjarta sitt og njóta gleðilegra jóla.
Athugasemdir