Virðist einungis tímaspursmál hvenær gos hefst á Reykjanesskaga: Grindvíkingar vilja gos sem fyrst

Klukkan tíu í morgun mæld­ist óró­apúls við Fagra­dals­fjall; fylgdi púls­inn með í kjöl­farið á skjálfta upp á 4,2, sem mælst hafði fyrr um morg­un­inn.

Óró­apúls­inn er tal­inn til marks um áhlaup kviku undir yfir­borð­inu, sem þó ekki hafi náð alla leið upp þangað.

Eins og lands­menn allir og eflaust hund­ruð millj­óna manna víðs vegar um heim hófst gos í Geld­inga­dölum í mars á þessu ári; þá mæld­ist einnig óró­apúls á svæð­inu og tveimur vikum síðar hófst gosið í Geld­inga­dölum.

Sér­fræð­ingar á nátt­úru­vá­rsviði Veð­ur­stofu Íslands hafa látið eftir sér hafa að jarð­skjálfta­virknin og óró­apúls­inn núna séu keim­lík í hegðun og stað­setn­ingu, og var áður en byrj­aði að gjósa í mars síð­ast­liðnum.

Á svæð­inu hefur jarð­skjálfta­virknin verið mjög þétt frá því á mið­viku­dag­inn, en klukkan hálf átta í morgun, reið svo yfir hressi­legur skjálfti upp á 4,2 við Fagra­dals­fjall og um nokkrum mín­útum síðar kom annar skjálfti, upp á 3,3, sem mæld­ist austan við Kleif­ar­vatn; sem er stærsta vatnið á Reykja­nesskaga og liggur á milli Sveiflu­háls og Vatns­hlíðar; er þriðja stærsta vatnið á Suð­ur­landi, 9,1 km², og eitt dýpsta vatn lands­ins, 97 metrar.

Mat Veð­ur­stof­unnar á þess­ari miklu jarð­skjálfta­hr­inu sem er enn í fullum gangi, er að síð­ari skjálft­inn hafi verið gikk­skjálfti í kjöl­farið á breyttu spennu­á­standi á Reykja­nesskaga; sem afleið­ing af fyrri skjálfta.

En hins vegar eftir skjálft­ana tvo í morgun var rólegt fram til klukkan tíu, en þá lét óró­apúls­inn á sér kræla, en það er til marks um áhlaup kviku undir yfir­borðið.

Hefði kvikan kom­ist upp á yfir­borðið væri byrjað að gjósa, en það gerð­ist ekki nú, en virð­ist ein­ungis vera tíma­spurs­mál hvenær kvikan nær upp á yfir­borðið, og að gos hefj­ist á nýjan leik á svæð­inu heita.

Áður en það ger­ist, eða ef það ger­ist, þurfa til dæmis íbúar Grinda­víkur sér­stak­lega, að búa sig undir að skjálft­arnir haldi áfram í ein­hvern tíma, en nær allir Grind­vík­ingar sem blaða­maður Mannlífs hefur hitt á förnum vegi und­an­farna daga, vilja að gos hefj­ist sem fyrst svo jarð­skjálft­arnir hætti, enda trufla þeir nán­ast allt líf fólks í bænum.