NEYÐARKALL – Óttast um líf móður sinnar á Íslandi: „Hún er allt sem ég á eftir“

Jakub er pólskur og móðir hann býr hér á landi. Hann ótt­ast um líf hennar á Íslandi í kór­ónu­veiru­faldr­inum og sendi hann út neyð­ar­kall til net­verja í þeirri von að bæta hag móð­ur­innar og von­andi finna handa henni atvinnu.

Jakub rit­aði ein­læga færslu í hóp útlend­inga sem búsettir eru hér­lendis. Við skulum gefa honum hrein­lega orðið:

„Mig vantar ráð frá ykkur. Móðir mín býr á Íslandi. Og í hrein­skilni, þá er ég skelf­ingu lost­inn um hvernig líf hennar er. 

Móðir mín var með stöðuga vinnu til 2019. Þá veikt­ist hún og þurfti í bráða­að­gerð. Þá veikt­ist pabbi líka og lést á þessu ári. Síðan 2019 hefur hún ekki kom­ist til Póllands vegna Covid-19 far­ald­urs­ins. Og síðan þá hefur hún ekk­ert getað unnið, var fyrst á örorku­bótum og nú atvinnu­leys­is­bótum. 

Allt sem hefur komið fyrir hana hefur orðið til þess að hún sér engan til­gang í líf­inu. Hún situr í leigu­her­berg­inu sínu og er ekki einu sinni með bíl. Henni líður eins og hún hafi misst allt saman. 

Segið mér, er það svona rosa­lega erfitt að finna vinnu á Íslandi í augna­blik­inu. Mamma talar ekki góða íslensku að mati vinnu­veit­enda. Svo að hún getur aðeins unnið störf sem krefj­ast ekki tungu­máls­ins. 

Mér líður eins og ég þurfi að hjálpa henni með ein­hverjum hætti, finna handa henni vinnu. Skiptir engu máli hvaða vinnu. Ég hef það á til­finn­ing­unni að finni hún ekki vinnu fljót­lega, kunni hún að deyja. Með engan til­gang í líf­inu, ann­ars hvort mun lík­ami hennar gef­ast upp eða hún mun enda líf sitt.

Ég vona það hljómi ekki til­gerð­ar­lega, en ég er mjög áhyggju­fullur yfir henni. Hún er allt sem ég á eftir. 

Elsk­urnar, þið sem hafið verið á Íslandi svona lengi. Segið mér, hvað get ég gert í þess­ari stöðuÐ Er það raun­hægt að ná ein­hverju fram hér?“