Gríðarlegur launamunur er á Íslandi: Fjárfestir með 15 milljónir á mánuði en öryrki með 250 þúsund

Í stuðn­ings­hópi Íslend­inga á Reddit er umræðu­þráður þar sem með­limir ræða launa­kjör lands­manna. „Við hvað vinnið þið og hvað eruð þið með í mán­að­ar­laun fyrir skatt?“ spyr einn með­limur hóps­ins. Sá sem er með lang­hæstu launin segir sig vera ómennt­að­ann fag­fjár­festi með 13 til 15 millj­ónir í laun fyrir skatt.

Lögmaður í einka­geir­anum er með 800 þús­und kr fyrir skatt en segir launin mega vera hærri: „Þetta mætti nú alveg vera hærra. Er ekki í námi.“ Þá er lög­fræð­ingur sem starfar fyrir ríkið með rúma milljón útborgað fyrir skatt. Slökkvi­liðs­maður í dag­vinnu og stuðn­ings­full­trúi hjá Reykja­vík­ur­borg eru með svipuð laun eða um 600 þús­und fyrir skatt. Starfs­maður við töl­fræði og tölvu­mál í dag­vinnu segir sig vera með útborg­aða milljón eftir skatt og tölv­un­ar­fræð­ingur í einka­geir­anum með 1,3 millj­ónir, starfs­maður í fjar­vinnu hjá erlendu fyr­ir­tæki í tækni­geir­anum fær 1,8 milljón.

Lyfja­fræð­ingur hjá einka­reknu fyr­ir­tæki er með 700 þús­und í laun fyrir skatt og rekstr­ar­stjóri á veit­inga­stað með 620 þús­und. Þá er við­skipta­fræð­ingur í starfi hjá rík­inu með rétt yfir milljón í laun.

Öryrki, starfs­maður á bæj­ar­reknu öldr­un­ar­heim­ili, í hluta­starfi og náms­maður á styrk eru með lægstu launin frá 250 til 280 þús­und í laun á mán­uði fyrir skatt.