Sigríður hvetur foreldra til að þiggja bólusetningu fyrir börn sín – bólusetning byrjar á morgun

Bólu­setn­ingar hefj­ast á morgun í öllum skólum á höf­uð­borg­ar­svæð­inu og lýkur fyrir viku­lok.

Í við­tali við frétta­stofu RÚV segir Sigríður Dóra Magn­ús­dóttir fram­kvæmda­stjóri lækn­inga hjá Heilsu­gæslu höf­uð­borg­ar­svæð­is­ins að; „und­an­farna daga og í dag hafa verið marg­vís­leg sam­töl bæði við yfir­völd fræðslu­mála, yfir­völd sveita­stjórna, mennta­mála­ráðu­neytið þar sem við höfum útskýrt okkar sjón­ar­mið og við fáum mjög góðan hljóm­grunn fyrir okkar rökum.“

Sigríður hvetur for­eldra til að þiggja bólu­setn­ingu fyrir börn sín.

„Bak við þetta eru mjög ítar­legar og vand­aðar vís­inda­rann­sóknir fyrir utan að það er búið að bólu­setja millj­ónir barna um allan heim og fylgj­ast með þeim. Þannig að við erum alveg örugg um það að þetta er rétt ákvörðun og rétta leiðin,“ segir Sigríður.

Um tvö þús­und börn eru í ein­angrun með smit og til stendur að bólu­setja fimm til ell­efu ára börn. Mennta- og barna­mála­ráð­herra sagði í gær að ekki hefði verið ákveðið hvar verður bólu­sett en for­ráða­menn heilsu­gæslu vilja að bólu­sett verði í skólum.

„Und­an­farna daga og í dag hafa verið marg­vís­leg sam­töl bæði við yfir­völd fræðslu­mála, yfir­völd sveita­stjórna, mennta­mála­ráðu­neytið þar sem við höfum útskýrt okkar sjón­ar­mið og við fáum mjög góðan hljóm­grunn fyrir okkar rökum,“ segir Sigríður Dóra Magn­ús­dóttir fram­kvæmda­stjóri lækn­inga hjá Heilsu­gæslu höf­uð­borg­ar­svæð­is­ins.

Þrír kostir séu við að bólu­setja í skólum. Í fyrsta lagi út frá sótt­varn­ar­sjón­ar­miði.

„Það eru per­sónu­vernd­ar­sjón­ar­miðin og síð­ast en ekki síst eru það barna­vernd­ar­sjón­ar­miðin sem vega hvað þyngst. Þá eru þarna aðstæður sem börnin þekkja. Þarna er hægt að athafna sig í litlum rýmum, taka eitt og eitt barn jafn­vel ef þau eru við­kvæm og bólu­setja,“ segir Ragn­heiður Ósk Erlends­dóttir, fram­kvæmda­stjóri hjúkr­unar hjá Heilsu­gæslu höf­uð­borg­ar­svæð­is­ins.

„Við stefnum á að byrja á mánu­dag­inn ótrauð,“ segir Sigríður Dóra.

Þegar for­eldrar hafa skráð barnið í bólu­setn­ingu fá þeir sent strik­a­merki frá sótt­varna­lækni. Glati fólk strik­a­merk­inu er unnt að gefa upp kenni­tölu barns­ins.

„Við erum að gefa okkur næstu viku og erum með áætlun að klára alla skól­ana í næstu viku. Við óskum eftir því að for­eldri mæti með og for­eldrar þurfa að skrá börnin í bólu­setn­ingu,“ segir Ragn­heiður.

Þeir sem kom­ast ekki með börnin í næstu viku geta farið í Laug­ar­dals­höll.