Söngdívan Helga Möller í prófkjöri: „Brenn fyrir að Mosfellsbær verði enn betri kostur að búa í“

Okkar ást­kæra söng­kona Helga Möller, þekkt­ust fyrir sín fal­legu dægur- og jóla­lög, og veru sína í dúettnum gríð­ar­vin­sæla Þú og ég, og að sjálf­sögðu Gleði­bank­ann í Söngvakeppni evr­ópskra sjón­varps­stöðva árið 1986, hefur ákveðið að bjóða sig fram í próf­kjöri Sjálf­stæð­is­flokks­ins.

Helga greinir skemmti­lega frá sínum ferli á facebook síðu sinni:

„Ég heiti Helga Möller, 64 ára Reyk­vík­ingur en hef búið í Mos­fellbæ í 3 ár og elska það.

Ég býð mig fram í próf­kjöri Sjálf­stæð­is­flokks­ins og stefni á 3-4 sætið.

Ég er þriggja barna móðir og amma þriggja ynd­is­legra barna­barna.

Ég er með stúd­ents­próf frá hag­fræði­deild Versl­un­ar­skóla Íslands, lærði þýsku í háskól­anum í Dus­seldorf og útskrifð­að­ist í vor frá Bifröst.. Mætti kvenna.. stofnun og rekstur fyr­ir­tækja.

Ég hef starfað sem flug­freyja og söng­kona allt mitt líf, en söng­konu­fer­ill­inn minn byrj­aði þegar ég var 14 ára og flug­freyju­fer­ill­inn þegar ég var 19 ára. Bæði þessi störf hafa kennt mér svo ótal margt… umburð­ar­lyndi, virð­ingu, þol­in­mæði, ást, vin­skap og heið­ar­leika og einnig kennt mér hvað mann­leg sam­skipti skipta miklu máli í líf­inu og að vera trúr sjálfum sér.

Ég flutti í Mos­fellsbæ af því að mig lang­aði til að fara út fyrir Reykja­vík og vera nær nátt­úr­unni og féll alveg fyrir Helga­fells­land­inu. Hér fékk ég allt sem ég var að leita að. Íbúð í fal­legu fjöl­býl­is­húsi með lyftu og bíla­kjall­ara, með góðu útsýni yfir Helga­fellið og Úlf­ars­fellið, ynd­is­legar göngu­leiðir, Ála­foss­hvos­ina og foss­inn Álafoss.

Ég upp­lifði bæj­ar­há­tíð­ina okkar og fékk að skreyta sval­irnar mínar í bláu í fyrsta skiptið á ævinni og allt svona lítið og per­sónu­legt heillar mig við bæinn okkar. Mig lang­aði líka að kynn­ast fólk­inu og ákvað því að sækja alla þjón­ustu sem ég get hér í Mos­fellsbæ og hef kynnst góðu fólki í kringum það.

Hér er allt eitt­hvað svo miklu per­sónu­legra, minna í sniðum og það var líka akkúrat það sem mig lang­aði til að fá.

Ég brenn fyrir því að Mos­fells­bær verði enn betri kostur til að búa í. Ég brenn fyrir íbúum Mos­fells­bæjar, gamla fólk­inu, börn­unum og fjöl­skyld­unum. Ég brenn fyrir skipu­lags­málum og kannski einna helst fyrir menn­ing­ar­mál­unum sem eru mér ofar­lega í huga.

Við eigum svo frá­bæran bæ og það væri ynd­is­legt að fá að vera þátt­tak­andi næstu 4 árin í gera bæinn okkar enn betri.

Ég von­ast því eftir stuð­ingi ykkar og mun leggja mig alla fram að vinna í þágu bæj­ar­búa.

Helga Möller

Stoltur Mos­fell­ingur.“