Sífellt fleiri Reykvíkingar velja aðra ferðamáta en einkabílinn

Sífellt fleiri Reyk­vík­ingar velja aðra ferða­máta en einka­bíl­inn til að kom­ast í og úr vinnu og skóla sam­kvæmt árlegri könnun umhverfis og skipu­lags­sviðs borg­ar­innar á ferða­venjum íbúa. Laug­ar­dalur og Elliða­ár­dalur eru vin­sæl­ustu úti­vist­ar­svæðin í borg­inni.

Mynd: Toni Neffling

Umhverfis- og skipu­lags­svið Reykja­vík­ur­borgar lét gera árlega könnun á ferða­venjum íbúa Reykja­vík­ur­borgar til og frá vinnu eða skóla í nóv­em­ber 2021. Hér var um net­könnun að ræða, 1726 íbúar Reykja­víkur 18 ára og eldri sem eru í við­horfa­hópi Gallup. Þátt­töku­hlut­fall var tæp 52%

Spurt var: Með hvaða hætti ferð­ast þú að jafn­aði til vinnu eða skóla á morgn­ana? Nið­ur­staðan var:

• 11% Fót­gang­andi
• 66% Á bíl sem bíl­stjóri
• 6% Á bíl sem far­þegi
• 8% Með strætó
• 6% Á hjóli
• 2% Á raf­magns­hlaupa­hjóli

Þetta telst jákvæð þróun miðað við mark­mið stefnu Reykja­vík­ur­borgar í lýð­heilsu- og sam­göngu­málum. Árið 2008 keyrðu 75% aðspurðra sjálfir til og frá vinnu eða skóla á morgn­anna en núna voru það 66%. Búast má við að þessi þróun haldi áfram eftir því sem þægi­legra verður ferð­ast með öðrum hætti.

Aldur vegur þungt

Aldur skiptir máli í þessum efnum því 55% aðspurðra á aldr­inum 18-34 ára keyra sjálfir til vinnu eða skóla en 75% þeirra sem eru 55 ára og eldri. Búseta er önnur breyta sem vegur þungt. Fæstir keyra á morgn­anna úr Vesturbæ og Miðborg eða 51%, íbúar þar ganga gjarnan (21%) eða hjóla (13%) , fara með strætó (8%), sem far­þegar á bíl (2%) eða á hlaupa­hjóli (5%). Aftur á móti keyra 77% Graf­ar­vogs­búar og Kjal­nes­ingar til vinnu eða 77%.

Börn á leið í skóla

Spurt var: Með hvaða hætti fór barnið þitt/börnin þín í grunn­skól­ann í morgun/síð­asta skóla­dag? Nið­ur­staðan var:

• 64% Fót­gang­andi
• 19% Á einka­bíl
• 10% Með strætó/skóla­bíl
• 6% Á hjóli
• 1% Á raf­magns­hlaupa­hjóli

Nið­ur­stöður við þess­ari spurn­ingu eru á svip­uðu róli og oft áður en þó fækk­aði ferðum á hjóli í skóla frá því sem fara fyrir haustið 2020 en það kann að hafa áhrif að könnun fór fram fyrr að haustinu 2020 en nú.  Börn not­uðu strætó tölu­vert og fóru 10% barna með strætó í skól­ann. 19% barna er skutlað á bíl í skól­ann. 1% þeirra fara á raf­magns­hjóli. Yfir 60% barna í öllum hverfum fara fót­gang­andi í skól­ann en þó flest í Breið­holti (67%) og Graf­ar­vogi/Kjal­ar­nesi (68%).

Margir vilja nota aðra ferðamáta en einkabílinn

Í ann­ars konar ferða­venjukönnun sem Maskína gerði fyrir Reykja­vík­ur­borg sl. sumar kemur fram að 43% aðspurðra vilja í raun fara sjálfir á einka­bílnum til og frá vinnu. 18% vilja hjóla og önnur 18% ganga til og frá vinnu. Þar kom fram að ef mark­miðið er að fækka bíl­ferðum til og frá vinnu, þá virð­ast liggja tæki­færi til þess í hverju hverfi í Reykja­vík. Yngri bíl­stjórar hafa greini­lega meiri áhuga til þess en eldri bíl­stjórar.

Áhuga­vert er að sjá mun­inn á milli kyn­slóða en rúm­lega 41% þeirra sem eru 18-29 ára vilja helst fara á einka­bíl og segja má að minni­hluti 50 ára og yngri vilji fara á bílnum, en um 72% sjö­tíu ára og eldri vill fara á honum.

Vinsælustu útivistarsvæðin

Einnig var spurt í í leið­inni í þessum spurn­ing­ar­vagni: Hefur þú heim­sótt neð­an­greind úti­vist­ar­svæði Reykja­vík­ur­borgar á sl. 12 mán­uðum? Vin­sam­lega merktu við öll þau úti­vist­ar­svæði sem þú hefur heim­sótt. Þessi reynd­ust vin­sælust

• 56% Laug­ar­dalur (Fjöl­skyldu- og hús­dýra­garð­ur­inn og Grasa­garð­ur­inn með­taldir)
• 55% Elliða­ár­dalur
• 48% Reykja­vík­ur­tjörn
• 47% Naut­hóls­vík
• 43% Heiðmörk
• 42% Klambratún
• 41% Öskju­hlíð

Þessi úti­vist­ar­svæði virð­ast halda vin­sældum sínum á svip­aðan hátt ár eftir ár,  þó voru þau mörg hver heldur vin­sælli árið 2017. Tíðarfar hefur áhrif á heim­sóknir á útvist­ar­svæði s.s. eins og Naut­hóls­vík og Bláfjöll.

Könnun á ferða­venjum og úti­vist­ar­svæðum