Ásdís var í sjokki eftir baðferðina: „Dóttir mín gólaði upp yfir sig“

Óhætt er að segja að Ásdís nokkur hafi skemmt mörgum áhuga­mann­inum um heim­il­is­þrif með færslu sinni í fjöl­mennum hópi á Facebook, Þrifatips! Þar lýsir hún nýlegri bað­ferð sinni og hræði­legum afleið­ingum ferð­ar­innar fyrir hana sjálfa og baðkar heim­il­is­ins.

Ásdís fór sem sagt að ráð­legg­ingum vin­konu sinnar um holla og góða bað­ferð. Til að lýsa árangrinum er best að gefa Ásdísi orðið:

„Ég gerði þau kjána­legu mis­tök að fara að ráði vin­konu sem sagði mér að það væri mjög gott og hollt að fara í tur­merik- bað. Já ég gleymdi að hugsa og lá þarna í gulu baði heil­lengi, en nú er baðið nátt­úru­lega skærgult (Og líka hárið á mér) en hvernig ætti ég að þrífa baðið? Ég er búin að reyna the pinkstuff og uni­ver­sal-sprey… hjálp!“

Svona var útkoman eftir afdríf­a­ríka bað­ferð Ásdísar.

Færslan hefur vakið mikla lukku í þrifa­sam­fé­lag­inu þar sem ráðunum og hlátra­sköll­unum rignir yfir Ásdísi. Margir þeirra mæla með að hún prófi að nota fjólu­blátt sjampó í hárið og sumir nefna klór sem töfra­lausn.

Söru er skemmt yfir þessu öllu saman. „Ó nei ! Svafstu hjá mann­inum hennar eða !?  Vann á boost bar og það var eitt hel­víti að þrífa þetta. Held ég myndi prófa að setja klór í baðið. Fylla það upp með heitu vatni og leyfa liggja yfir nótt,“ segir hún.

Freyja telur sig vita lausn­ina. „Myndi athuga með sítrónu og gróft salt eða mat­ar­sóda. Sítrónu­sýran leysir lit og mat­ar­sódi líka, saltið virkar sem skrúbbur. Nuddað vel á það svæði sem á að fjar­lægja lit af húð passa upp á að þetta fari ekki í augu gæti sviðið rosa­lega mikið en er samt sem áður alveg hættu­laust þessi aðferð hefur dugað mjög vel til þess að ná bodyt­ani af eða jafna brúnku út og það er ein­gin hætta á því að það komi nokkuð fyrir þig með þessum efnum,“ segir Freyja.

Anna telur þetta tap­aða orr­ustu. „Haha tur­merik í harip fer ekki. Tala af reynslu. Þurfti að lita mitt aftur svo eg yrði ekki eins og páskaungi,“ segir Anna.

Ásdís er þakk­lát fyrir öll ráðin og ætlar að prófa ýmsar leiðir til að ná þessu úr. „Takk fyrir góð ráð og hvatn­ingu. Ég próf­aði upp­þvottapillur í brenn­heitt vatn og það virk­aði vel. Prófa hin eitrin næstu daga. Dóttir mín gólaði upp yfir sig þegar hún sá hárið á mér í flú­or­ljós­lýstum sturtu­klefa í sundi í gær er sagði svo að þetta hefði skànað mikið eftir sund­ferð­ina, klórið í sundi að virka,“ segir hún.