Í Héraðsdómi Reykjaness er hafin aðalmeðferð í máli gegn Jóhannesi Tryggva Sveinbjörnssyni nuddara, sem í fyrra var dæmdur í sex ára fangelsi fyrir nauðgun á fjórum konum.
Samkvæmt Fréttablaðinu gaf Jóhannes skýrslu í gegnum fjarfundarbúnað en hann er í sóttkví í augnablikinu. Í upphafi þinghaldsins sagðist hann ætla að nýta rétt sinn til að tjá sig ekki um sakagiftir umfram það sem fram kemur í skýrslu lögreglunnar.
„Ég get sagt það með fullri vissu að ég kom ekki við brjóst eða kynfæri þessarar stúlku á óviðeigandi hátt,“ sagði Jóhannes Tryggvi.
Þinghaldið er opið en það er mjög fáheyrt í kynferðisbrotamálum. Hafði Jóhannes farið fram á að þinghaldið yrði lokað en konan sem nú kærir hann fyrir kynferðisbrot, krafðist þess að það yrði opið og samþykkti Landsréttur það.
Sú sem sækir málið er Dagmar Ösp Vésteinsdóttir, saksóknari hjá Héraðssaksóknara og Steinbergur Finnbogason lögmaður ver Jóhannes Tryggva.
Dagmar Ösp Vésteinsdóttir, saksóknari hjá Héraðssaksóknara, sækir málið og Steinbergur Finnbogason lögmaður er verjandi Jóhannesar Tryggva.
Sækjandinn, Dagmar Ösp spurði Jóhannes Tryggva út í orð sem hann sagði í skýrslatöku hjá lögreglunni.
„Samkvæmt þessu segir þú í lögregluskýrslunni; „Nei sko, þú veist, ég vinn við að … Ég hef farið inn í leggöng til að laga vandamál en ég fer bara ekki inn í leggöng til að vera fullnægður, sko.“ Kannastu við þetta?“ Svaraði Jóhannes Tryggvi því að hann kannaðist við að hafa verið inn í leggöng kvenna sem hafa leitað til hans vegna ýmissa vandamála.
Aðspurður hvort það hafi átt við í máli stúlkunnar neitaði Jóhannes því.
Jóhannes Tryggvi var í fyrra dæmdur í fimm ára fangelsi í héraðsdómi fyrir að nauðga fjórum konum en dómurinn var þyngdur í Landsrétti í sex ár. Á annan tug kvenna kærðu Jóhannes fyrir kynferðisbrot. Brotin sem Jóhannes var dæmdur fyrir voru framin á árunum 2007 til 2017.
Athugasemdir