Stefán er ofbeldismaðurinn í Gagnamagninu: „Ábyrgðin er mín, skömmin er mín“

Stefán Hann­es­son, fyrr­ver­andi með­limur Gagna­magns­ins hefur nú stigið fram á Twitter og játað að hafa beitt tvær fyrr­ver­andi kærustur sínar ofbeldi. Sagði hann af sér sem með­limur bands­ins þegar málið var gert opin­bert.

Sjá einnig: Meðlimur Gagna­magns­ins hættur vegna ásak­ana um ofbeldi

Það var fyrr­ver­andi kærasta Stefáns sem gerði málið opin­bert með færslum á Twitter þar sem hún meðal ann­ars gagn­rýndi Gagna­magnið fyrir að þegja um málið.

Stefán skrif­aði færsl­una í gær þar sem hann játar á sig ofbeldið og seg­ist iðr­ast.

„Árið 2013 beitti ég þáver­andi kær­ustu mína ofbeldi og hefur hún nú stigið fram og sagt frá. Því miður var þetta ekki í fyrsta skipti sem ég varð upp­vís að slíku ofbeldi en það átti sér einnig stað í mínu fyrsta sam­bandi. Ég iðr­ast inni­lega fyrir það sem ég gerði, á hverjum degi og mun alltaf gera. Ég hef leitað mér hjálpar hjá sál­fræð­ingi til að horfast í augu við þetta og vinna úr þessu. Varðandi Gagna­magnið, þá til­kynnti ég hópnum í fyrra að ég kæmi ekki fram með þeim ef við yrðum beðin um það í fram­tíð­inni. Á þeim tíma hefði ég átt að til­kynna það opin­ber­lega. Ábyrgðin er mín, skömmin er mín.“