Tenórinn Elmar byrjaði í þungarokkinu: „Þá var maður með sítt hár og í leðurjakka“

Afmæl­is­barn dags­ins er einn helsti ten­ór­söngv­ari Íslands um þessar mundir, en það er hann Elmar Þór Gil­berts­son.

Elmar Þór býr í Hollandi en ferð­ast víðs­vegar um Evrópu, starfs síns vegna. Svona þegar það hefur verið hægt en það hefur auð­vitað hægst á öllu í Covid.

Elmar er 44 ára í dag.

Elmar hefur á ferli sínum túlkað heilmargar per­sónur úr heimi óper­unnar, má þar helst nefna meðal ann­ars nefna Tamino í Töfraflaut­unni, Don Ottavio í Don Giovanni, Ferrando í Cosí fan tutte, Alfred í Leð­ur­blök­unni, Elvino í La Sonnamb­ula, Nerone í Krýningu Poppeu og Kúdrjás í Katja Kabanova eftir Janáček  og prins­inn í Ösku­busku eftir Rossini hjá Maastricht óper­unni; hlut­verk Mímis í Rín­ar­gulli Wagners hjá hinni virtu Ruhrtriennale lista­há­tíð í Þýska­landi, og hlut­verk Her­tog­ans af Mantua í Rigo­letto eftir Verdi, Lensky úr óper­unni Evgéní Ónégin eftir Tchaikovsky og Monosta­tos úr Töfraflautu Mozarts.

Tvívegis hefur Elmar hlotið Grímu­verð­laun sem söngv­ari árs­ins og Íslensku tón­list­ar­verð­launin 2014 og 2016 sem söngv­ari árs­ins í flokki sígildrar og sam­tímatón­listar.

Árið 2014 var afmæl­is­barnið í við­tali við Vísi þar sem hann fór meðal ann­ars yfir upp­hafs­skref sín í söngnum.

Elmar Þór ólst upp í Búðardal, í Dölunum, þar sem tón­listin hafði strax mikil áhrif á hann sem barn. „Ég var í alls konar bíl­skúrs­böndum og byrj­aði ungur að koma fram – þá spil­aði ég reyndar á raf­magns­gítar og söng. Þetta var dálítið grað­hestarokk, við vorum mest í þung­arokki. Átrún­að­ar­goðin voru hljóm­sveitir á borð við Metallica og Guns N‘ Roses. Svo tókum við það nú enn lengra og fórum að spila dauðarokk. Þá var maður með sítt hár og í leð­ur­jakka.“

Mannlíf óskar þessu stór­söngv­ara inni­lega til ham­ingju með dag­inn!