Sorgleg viðbrögð eftir Danaleik: „Maður á ekki skilið að deyja fyrir að tap­a hand­bolta­leik“

Leikur Frakk­lands og Dan­merkur verður lengi í minnum hafður. Fyrir leik­inn var ljóst að Ísland kæm­ist í und­an­úr­slit ef Danir sigr­uðu Frakka.

Svo fór ekki. Danir voru yfir lengstum, en gamla seiglan í Frökkum kom þeim inn í leik­inn í blá­lokin og svo fór að þeir hirtu eins marks sigur og bæði Danir og Frakkar í und­an­úr­slit­unum, en við sátum eftir.

En við­brögð margra Íslend­inga eftir tap Dana fóru algjör­lega yfir strikið.

Hagkaup frestaði Dönskum dögum. Björn Leví Gunn­ars­son, þing­maður Pírata, útbjó til­lögu til þings­á­lykt­unar þess efnis að danska kór­ónan yrði fjar­lægð af Alþing­is­hús­inu við Aust­ur­völl. Og ýmis­legt fleira. Ljóst var að tap Dana fór veru­lega fyrir brjóstið á mörgum Íslend­ingnum.

Það sem þó er sýnu verst er, að leik­mönnum og þjálf­urum danska hand­boltalands­liðs­ins bár­ust mörg ljót skila­boð frá Íslend­ingum eftir umræddan leik Dan­merkur og Frakk­lands; voru margir hverjir Íslend­ingar afar ósáttir eftir leik­inn, fóru mik­inn og létu gamm­inn geisa á sam­fé­lags­miðlum.

Og því miður gengu ein­hverjir enn lengra og sendu leik­mönnum og þjálf­urum danska liðs­ins hót­anir.

Fjöl­miðla­full­trúi danska hand­knatt­leiks­sam­bands­ins, Frederik Schmidt, lét hafa eftir sér að ekk­ert væri til í því að danska liðið hefði tapað leiknum vilj­andi.

„Ég er ekki hrif­inn af sum­um skila­boðum sem leik­mönn­um og þjálf­arat­eym­inu hafa borist eft­ir leik­inn gegn Frakk­landi í gær­kvöldi. Þeir töp­uðu ekki vilj­andi. Og nei, maður á ekki skilið að deyja bara vegna þess að maður tap­ar hand­bolta­leik.“

En, já, Frakk­land vann, Danmörk tap­aði og Ísland log­aði.Til dæmis á Twitter þar sem fólk hraun­aði yfir, eins og sagt er, danska liðið og dönsku þjóð­ina, vegna úrslita leiks­ins.

Grjót­haltu­KjaftiOg­Farðu­HeimÍ­Þitt­Fla­ta­LandOg­Vertu­ÞarMeð­ÞittSmør­rebr­ødOg­Hugs­aðu­Þinn­Gang — Krilla

Margt fleira ljótt er að finna um Dani á sam­fé­lags­miðlum, en einnig má lesa þar smá glens og grín, eins og þetta hjá Unu Stef:

„Ég hata Dani svo mikið akkúrat núna að mér finnst Mads Mikk­el­sen næstum því ljótur.“

Ljóst er að hand­knatt­leikslið Íslands kemst ekki í und­an­úr­slit og tím­inn mun leiða í ljós hvort tap Dana verður þeim lán í óláni eða ekki.